Roma 8:2 - Kaa n Kəzə̀ n fəghə mə

² I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

Roma 8:2 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 8:32

Ghaa i keeli isəŋə, isəŋə i tii zə i bəghəshi ghaa.”

Tùm i dzuŋu zə kuum Yeso Klisto tə Jɔn â tɔɔnə 8:36

Sey, abə Waa wù sɔŋtsuʼ chi zəghə tsunə wɔ, wə sey nya ndzəm loʼ n ngəŋ.

Roma 16:3

Tɔŋɔ zow ndow n na Prisila nsə Akwila. Ghə fwaʼa dzəŋi fwaʼ kə Yeso Klisto kən ghi mə.

Roma 3:27

I sey diinə saa way dzə ni ghaŋŋə iwû nə̀ saa n ghəŋə ghə i loʼ zə tə̀ Zə̀ kə ni ney saa nə̀ saa loʼ tsətsəghə. Saa way ni ghaŋŋə iwû n təŋkey, Zə̀ kə ka bəghəshi dzə saa a dza saa naŋŋə kəlaŋ, a fəd loʼ bòʼ bəghəm i fə̀ŋ zən saa khənə n kow Yeso.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:18

Zə̀ kə n ghaa bəghəshi n ghəə a bəbə ghə, ghaa nya loʼ ukɔd ni ghəŋŋə ghəə ghey a kpiilənə tə̀ Zə̀ kə.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Roma 7:21

À ndzɔʼ loʼ tə a loʼ laŋ kə loʼ kə mə, abə n moʼlə tsu kə ni ghəŋə ghəə zey i kpiilənə, à n bəghə kə ghəə a bəbə ghə.

Roma 7:23

A kee loʼ nə̀ n bə keeli shi kɔʼ nə̀ laŋ kə nuu kə loʼ n kow mə kə zuulə ballənə ghi laŋ kən n gaʼnə fə̀ŋ zuŋ tii. Laŋ kə tii kə ghəŋŋə nə̀ n doʼo kəkɔd tə bəb zən i fwaʼanə n kow mə.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

2 Kɔrint 3:17

Nya, Mûkəbii wən ghə dzanə loʼ Zay kə Zow kə, nsə sey luʼu wey Zay kə Mûkəbii kə loʼnə tii, ghə̂ a kəm muu way n tənə kəlaŋ fuu tii.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

Galeshia 2:19

Abə a loʼ kə tə̀ laŋ kə, n bəghəmnu ni kpu, sey nə̀ mə i loʼ ni muu muu zey Zə̀ kə ləghənə.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Galeshia 6:2

I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Jems 1:25

Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

Chi dii 11:11

Nghee tsuʼu mən ntəghə nsə bòʼ kə tsəghə tsunə, Zə̀ kə n tûm bə zay kən kə fuunə muu zə, nyi bə n kow ghə. Sey ghə n doʼo bə utaw, nuu təmi kɔʼ nə ifuu. Tsəŋ i faalə zə n kwu ghə̂ ghey ghə â koʼnə ghə.

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.