Roma 8:18 - Kaa n Kəzə̀ n fəghə mə

¹⁸ N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

Roma 8:18 ပူးပေါင်းရင်းမြစ်များ

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 11:35

À loʼ bəghəm i fə̀ŋ zən gheyzən ghə â khənə n kow Zə̀ kə, zə â ghəŋə tsu nə̀ ghə̂ a ghə ghən ghə â kpuulənə nə̀ ghə zhəm dzəŋŋə bə nə ivə. A loʼ bəghəm i fə̀ŋ zə â ghəŋənə nə̀ a loʼ a tuu ni shi n ndaw tsaʼ, ghə n fəghə fu n ndaw tsaʼ, bə kpu daŋŋə soʼo, sey nə̀, ghə loʼ ni keeli muu zey i dzɔb tsəghənə i zən abə ghə i zhəm dzəŋŋə bənə nə ivə.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.