Roma 8:16 - Kaa n Kəzə̀ n fəghə mə

¹⁶ Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

Roma 8:16 ပူးပေါင်းရင်းမြစ်များ

Matyo 5:9

Buulə i loʼ tə̀ ghə̂ ghey ghə buulənə luʼu tə, N təŋkey, Zə̀ kə i tɔŋŋə ghə nə̀ ghə loʼ waa a wi.

Lukas 20:36

Ghə loʼ tə a loʼ tsətəndəghə tə Kəzə̀, ghə way ni kəm kpuu, boʼnə ghə nya loʼ waa a Kəzə̀ nghee ghə zhəm dzəŋŋə dzə nə ivə.

Tùm i dzuŋu zə kuum Yeso Klisto tə Jɔn â tɔɔnə 1:12

Ni ney nuu tsu n ghə̂ ghey adzəm ghə â kee kpii neynə wi, ndow kuum ndow n ghə̂ ghey ghə â bəghəmnə n zəd i wi, tə n fuu ghə n daʼa kə nə̀ ghə doʼo bə Waa a Kəzə̀.

Kəfwaʼ 5:32

Ghey loʼ ghə təmi tiilə n ghəə ghən, ghey nsə Zay kə Zow kə, kə loʼnə naamə K-a-zə̀ kə tə ghə̂ ghey ghə zownə tə wi.”

Roma 8:14

I loʼ sey n təŋkey ghə̂ ghey ghə bweynə nghee tə Zay kə Zow kə ləghənə, ghə loʼ waa a Kəzə̀.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Roma 8:23

À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

Roma 8:26

N jii i mɔʼɔ zə, Zay kə Zow kə gaamənu saa nghee saa loʼ kə nə̀ saa khə way ghəə zey saa loʼ ni dza ndow tə̀ Zə̀ kə. Abə saa khə kə way jìi zey saa loʼ ni gɔŋŋə tii, Zay kə Zow kə n wû u wi wə n dzɔɔlə gɔŋŋə n tow u saa n jìi zey wù way ni tiilə dza.

Roma 9:26

Zə̀ kə dza soʼo n màʼlə kə Hosia nə̀, “Luʼu tey mə̂ â dzanə tə ghə̂ ghə a tii nə̀, ‘Ghaa way dzə ghə̂ ghuŋ,’ Mə i tɔŋŋə ghə̂ ghey n luʼu tə tii tə nya nə̀ a loʼ waa a Zə̀ kən kə fuunə muu zə.”

Roma 9:8

I sey dii nə̀ à way dzə waa ghən Abraham â jinə adzəm, ghə loʼnə waa a Kəzə̀ ghə. À fəd loʼ ghə̂ ghən ghə bəghəmnə n təb kən Zə̀ kə â təbnə tə Abraham, ghə loʼnə waa Kəzə̀ ghə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 1:22

Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.

2 Kɔrint 5:5

À loʼ Kəzə̀ kə bayyə naŋanə saa tə̀ wû i fəghə zən, fuu naŋa bə saa n Zay kə Zow kə ni dii bə nə̀ tə i fuunu saa n fə key tə â təb naŋanə tə̀ saa.

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:6

Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Efesus 4:30

Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.