Roma 8:11 - Kaa n Kəzə̀ n fəghə mə

¹¹ Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 8:11 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 14:17

Wù wən n dzanə loʼ Zay kə Zow kə. A loʼ wi tə i bə chiə diinə isəŋə kùm Kəzə̀. Ghə̂ a mbi a way dzə ni kpiney wi, n təŋkey, ghə khə way wi, ghə koʼo keeli soʼo way wi. Abə ghaa, ghaa khənu wi, n təŋkey, tə loʼ ghi ghaa, tə i muulə soʼo n fə̀ŋ tə ghaa.

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Roma 16:10

Tɔŋɔ zowtsu na Apeles wən tə dii shi bənə nə̀ tə n ndzəm bəghəm tə̀ Klisto. Ghaa tɔŋɔ zow ndow ghə̂ ghey n ndaw Aristobulus.

Roma 16:3

Tɔŋɔ zow ndow n na Prisila nsə Akwila. Ghə fwaʼa dzəŋi fwaʼ kə Yeso Klisto kən ghi mə.

Roma 16:7

N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

Roma 16:9

Tɔŋɔ zow soʼo Obanus wən tə fwaʼa dzəŋinə fwaʼ kə Klisto ghi saa nsə wù fə wuŋ u dzuŋu wə Stachis.

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:12

Sey, waazə ghə, saa khə ni teeli muu n jìi zey Zay kə Zay kə Zow kə ləghənə, à way dzə n jìi zey gow uwû saa ləghənə nə̀ saa muu tii.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 15:16

N sey dza n təŋkey, abə i loʼnə nə̀ ghə̂ a zhəm dzəŋŋə way nə ivə, i sey dii nə̀ Zə̀ kə â ka zhəm dzəŋŋə soʼo Klisto nə ivə.

1 Kɔrint 6:14

Zə̀ kə i zhəm dzəŋŋə bə saa nə ivə n daʼa kə wi, ighələ tə̀ tə â zhəm dzəŋŋə bənə Mûkəbii nə̀ ivə.

2 Kɔrint 4:11

Ghey koʼo tənə tsə kə ivə n muu i ghey bòʼ Yeso, sey nə̀ ghə̂ ghə i loʼ ni koʼ muu i Yeso n vən fə uwû fə ghey.

2 Kɔrint 4:14

Ghey ghəə ghən ghəŋŋə n təŋkey, ghey khənu nə̀ Zə̀ kən kə â zhəm dzəŋŋə bənə Mûkəbii Yeso nə ivə, tə i zhəm dzəŋŋə bə soʼonu saa nə ivə. Tə i ney kɔʼ ghey ghi ghaa, tə naŋa bə n səə wi.

2 Kɔrint 5:4

Nghee saa loʼnə n vən fə uwû fən, saa dzɔɔlənu bòʼ ngoʼ zən saa loʼnə tii. Saa dzɔɔlə dzə way nə̀ saa ləghə ni tsɔʼ nu vən fə uwû fən, à fəd loʼ nə̀ Zə̀ kə mə gbaʼlə bə wû u fəghə wey u loʼnə idəŋ n kow saa, sey nə̀, muu zey i doʼo tənnə, loʼ ni fə nuu kɔʼ muu zən i maynə.

Galeshia 6:8

Wù wey tə ghəŋŋənə ghəə ghey gow uwû wi ləghənə, i keeli ivə. Wù wey tə kee ghəŋŋə nə̀ ghəə ghey Zay kə Zow kə ləghənə, i keeli muu zə itsali.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 11:11

Nghee tsuʼu mən ntəghə nsə bòʼ kə tsəghə tsunə, Zə̀ kə n tûm bə zay kən kə fuunə muu zə, nyi bə n kow ghə. Sey ghə n doʼo bə utaw, nuu təmi kɔʼ nə ifuu. Tsəŋ i faalə zə n kwu ghə̂ ghey ghə â koʼnə ghə.