Roma 7:7 - Kaa n Kəzə̀ n fəghə mə

⁷ Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

Roma 7:7 ပူးပေါင်းရင်းမြစ်များ

Matyo 5:28

N fa kee dza bə tə̀ ghaa nə̀, wù wey tə bùʼ laalə ndòw kənə weyzən n moʼlə tə ni nyiŋi ghi wi, sey nyəŋi dzənu ghi weyzən ə tii n fə̀ŋ ə wi.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Kəfwaʼ 20:33

N ka kam shi koʼ tsə n sə̂ zə n khəə u wù nkee n ndzə̂ tə wù.

Roma 13:9

Laŋ u Kəzə̀ u dza nə̀, “Kə wə nə taa zaʼanə wey wə nkee num wə, kə wə nə weynə wù, kə wə nə tsɔŋɔnə, kə wə nə shiənə n sə zə n fə kə wù.” Abə wə təmdzəŋi kɔʼnə laŋ wən udzəm nsə laŋ u loʼ wən u loʼnə, laŋ u tii wə udzəm u dzəŋi fuu kə kəlaŋ kəmɔʼ kə dzanə nə̀, “Wə khə ni ləghə wù wey tə kuʼlə loʼnə n səə wɔ tə̀ wə ləghənə wû wə wə̀.”

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 3:5

Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

Roma 4:1

Saa loʼ ni dza tsu nə̀ ngee kuum Abraham tɔŋŋə bày bày saa a? Tə a loʼ wù sɔŋtsuʼ, à loʼ ghə i ghaa zə zə â shinə tə wi ni dii bə nghee wù doʼlənə tsətsəghə n sə K-a-zə̀ ə?

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

Roma 5:20

Zə̀ kə fuu bə laŋ kə wi nə̀ ghə̂ adzəm i loʼ ni koʼo ndow ghəə a bəbə ghən ghə ghəŋŋənə. A n kee bə ghə̂ a ghəŋŋə nduŋŋə ndow kə ghəə bəbə ghə, Zə̀ kə n baa kəm dii bə ndzuŋ ə wi tə̀ ghə̂ ghə naʼ idzəm nə̀ maŋ kwɔɔlə tsu isî.

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 7:11

Bəb i sey taa daŋnu n baa kəlaŋ, nəb fuu tsu mə, wey maʼa tsu soʼo mə.

Roma 7:13

I sey diinə ghəə ghey a dzɔbənə, kəm ney bə ivə n kow mə ə? Ngaŋ! Â loʼ i bəb i ney bənə və zə n kow mə nə̀ i tsəghə n baa kəlaŋ. Laŋ kə loʼ fə kə dzuŋu kə ni ghəŋə nə̀ n keeli fə key bəb i baa loʼ ghii kə. Sey, à loʼ kəlaŋ kə dii fuunə nə̀ bəb i loʼ fə kə faalə kə.

Roma 7:5

I loʼ sey n təŋkey, nəŋə zey saa â nam muunə n jìi zey vən fə uwû i saa i ləghənə, saa â ngii khə zày ni ghəŋŋə ghəə a bəbə ghə, laŋ kə n baa chimmə may ndow saa ni ghəŋŋə ghəə a bəbə a tii ghə. Ghəə ghey saa ghəŋŋənə adzəm, a ney bə ivə.

Roma 7:8

À kee loʼ nə̀ bəb i tsəghə n baa kəlaŋ ni chimmə mə nə̀ mə i ghəŋŋə ndəmə ndəmə tə ghəə tə bəbə tə. Dii tsu nə̀ abə laŋ kə mə̂ way, bəb i mə khə way daʼa kə loʼ kə.

1 Kɔrint 15:56

Və i keeli kədaʼa bòʼ ghəə a bəbə ghən ghə̂ a ghəŋŋənə, ghəə a bəbə ghə u ngii loʼ n təŋkey, ghə̂ a naŋŋə way laŋ K-a-zə̀ kə.

Efesus 5:3

Kə ghaa nə̂ ghəŋŋənə ghəə a laŋŋə ghə nsə mwam u dzəə wə. Kə ghaa nə̂ shiənə n sə̂ zə n fə̂ u ghə. Ndzoʼo ghəə ghən a khə way ni shiə n fəŋŋə kə ghaa, kə̂ ghə nə̂ buʼu zəŋŋənə nə̀ ndzoʼo ghəə ghən a shiə n fəŋŋə kə ghaa, n təŋkey, ghaa loʼ ghə̂ a Kəzə̀ a zow ghə.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

1 Tesalonika 4:5

Kə ghaa nə̂ muunə ni zhwɔdlɔ kaabə tsə tə̀ a loʼ nghee ghə̂ ghey ghə ka bəghəm tə̀ Zə̀ kə a ghəŋənə.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.