Roma 7:6 - Kaa n Kəzə̀ n fəghə mə

⁶ A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 7:6 ပူးပေါင်းရင်းမြစ်များ

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 6:11

N jii i mɔʼɔ zə, ghaa khə ni zowkeeli tsu nə̀ bəb i kəm khə soʼo way daʼa kə n kow ghaa. Muu zey ghaa muunə nya, loʼ muu zey i kpiilənə tə̀ Zə̀ kə n təŋkey ghaa loʼ nə̀ kəfə kəmɔʼ ghi Yeso Klisto.

Roma 6:19

N ghəə ghən ghɔɔmə bə n jìi zey ghaa loʼ ni zowkeeli n təŋkey, ghəə a loʼ a loʼnu a tawnə tə̀ wù sɔŋtsuʼ ni zowkeeli. Sə̂ i sə, ghaa â fuu may nyi ndow wû i ghaa tə a loʼ ukɔd ni ghəŋŋə ghəə a laŋŋə ghə, nsə ghəə a bəbə ghə. A loʼ ighələ ghaa khənə ni fuu may ndow soʼo wû i ghaa tə̀ a loʼ ukɔd ni ghəŋŋə ghəə ghey a loʼnə tsətsəghə sey nə̀ ghaa loʼ ni zow n sə K-a-zə̀.

Roma 6:2

Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Roma 6:4

Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

Roma 7:1

Waazə ghuŋ ghə, ghaa məghənu ghəə ghey laŋ kə dzanə? Ghaa məghənu nə̀ laŋ kə khə kə kədaʼa n kow wù n nəŋə zey tə nam loʼnə utaw ə?

Roma 7:2

Ney kɔʼ na doʼ i weyzən wən tə loʼ nə̀ tə n ney num, laŋ kə dii nə̀, tə khə ni bɔɔmə loʼ kə n tənə num wi tə̀ num wi loʼnə utaw. Nə̀ num kpuunu, laŋ kə dii nə̀ weyzən ə tii nya loʼ n ngəŋ.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

Galeshia 6:15

Tə ghə səghə tyi kə kə̀ nkee ghə ka səghə, kweyyə kə loʼ way dzə n sə K-a-zə̀. Isəŋə loʼ kə nə̀, saa doʼo bə ghə̂ a fəghə ghə.

Efesus 4:24

Ghaa khə ni muu muu i fəghə zə, muu zey i loʼnə tə̀ a loʼ muu i Kəzə̀, sey nə̀, ghaa i ndzəm loʼ tsətsəghə, zow n muu i ghaa.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.