Roma 7:25 - Kaa n Kəzə̀ n fəghə mə

²⁵ N kee fuu kəzɔŋŋə K-a-zə̀ tə bəghəshinə mə n bam i Yeso Klisto tə loʼnə Mûkəbii saa. Ghaa koʼonu jìi zey n loʼnə nya tii ə? N fə̀ŋ zuŋ, n ndzəmə ləghənu ni naŋŋə laŋ u Kəzə̀, à kee loʼ nə̀ nghee n ghəŋŋənə ghəə ghey vən fə uwû fuŋ fə ləghənə, mə n doʼ kɔd kə tə bəb zə.

Roma 7:25 ပူးပေါင်းရင်းမြစ်များ

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 15:57

A kee fuu zɔŋŋə K-a-zə̀ nə̀ tə n ghəŋə nə̀ saa təm zə̂ ivə n bam i Mûkəbii saa Yeso Klisto.

2 Kɔrint 9:15

Saa fuu kəzɔŋŋə tə̀ Zə̀ kə n ndzoʼo naamə kə nii kən tə fuunə tə saa nə̀ wù loʼ way ni tiilə dza.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Filipi 4:6

Kə̂ ghaa nə̂ ngii fəmmənə wû i ghaa zə n ghə i loʼ zə, i fədə gɔŋŋə na nə aghəə adzəm. I nɔɔ ndòw na fə̂ key ghaa ləghənə tə Zə̀ kə, fuu ndow kəzɔŋŋə tə wi n fə wey udzəm tə fuunə tə ghaa.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.