Roma 7:24 - Kaa n Kəzə̀ n fəghə mə

²⁴ N baa loʼ ndzoʼo wù u ghaa wə! À loʼ ndee tə loʼ ni bəghəshi mə n vən fə uwû fən fə tɔŋŋə bənə və zə n kow mə ə?

Roma 7:24 ပူးပေါင်းရင်းမြစ်များ

Matyo 5:4

Buulə i loʼ tə̀ ghə̂ ghey ghə mownə, N təŋkey, Zə̀ kə î tsəmmənu ghə.

Matyo 5:6

Buulə i loʼ tə̀ ghə̂ ghey ghə dəmənə ni doʼo tsətsəghə n sə̂ K-a-zə̀, N tənkey, Zə̀ kə î ghəŋŋənu nə̀ ghə keeli fə key ghə ləghənə.

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Roma 6:6

Saa khənu nə̀ muu i wey zey saa â bùʼ khə tsənə mâ kpuu nuu ghi Yeso n zat kə fəkaʼ, sey nə̀, Zə̀ kə loʼ ni sow maʼa ghəə a bəbə ghən a fwaʼanə n kow saa. Zə̀ kə sow maʼa ghəə a bəbə ghən sey nə̀ kə saa nə kəm doʼlənə kɔd wə tə̀ ghəə a bəbə ghə.

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

Roma 8:23

À kad way kə fə wən Zə̀ kə â bɔmnə fa n mbi u dzɔɔlənə n fɔɔbə i tii zə, wû i saa ghən saa loʼ nə̀ saa n bùʼ mɔm zow kɔʼ dzə kɔʼlə mən Zay kə Zow kə Zow kə fuunə, dzɔɔlə soʼonu n fə̀ŋ tə saa nghee saa ləmmə tənə nə tsuʼ fey Zə̀ kə i neynə saa nə̀ saa loʼ waa a wi, tə kweyyə nuu kɔʼ wû i saa.

Roma 8:26

N jii i mɔʼɔ zə, Zay kə Zow kə gaamənu saa nghee saa loʼ kə nə̀ saa khə way ghəə zey saa loʼ ni dza ndow tə̀ Zə̀ kə. Abə saa khə kə way jìi zey saa loʼ ni gɔŋŋə tii, Zay kə Zow kə n wû u wi wə n dzɔɔlə gɔŋŋə n tow u saa n jìi zey wù way ni tiilə dza.

Kolose 2:11

Nghee tə ghaa loʼnə nə kəfə kəmɔʼ ghi Klisto, ghaa nya loʼ tə ghə n səghə tyi u ghaa wə. À kee loʼ nə̀ ghə ka tyi u ghaa u səghə dzə nghee ghə ndzəmə səghənə tyi u ghə wə a tii. Klisto â səghə tyi u ghaa nghee tə â ney nuu shi bənə ghaa n daʼa wən u ghəŋŋənə ghaa nə ghaa i ghəŋŋə ghəə a bəbə ghə.

2 Timoti 4:18

Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 2:15

 loʼ kə n jìi zən Yeso â loʼnə ni ghəŋə nə̀ ghə̂ ghən ghə â muunə muu i ghə zə tə a loʼ ukɔd ghə tsəŋənə və zə n sə K-a-zə̀, kə ghə nə kəm doʼlənə kɔd wə.

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”