Roma 7:18 - Kaa n Kəzə̀ n fəghə mə

¹⁸ N khənu nə̀ ndzuŋ i loʼ i way dzə n kow mə n təŋkey n maŋa ghəŋə aghəə tə̀ vən fə uwû fuŋ ləghənə. N mgbaŋ khənu moʼlə zə ni ghəŋŋə ghəə zey i kpiilənə, mə n kee dəmə kiʼi ni ghəŋə ghə i tii zə.

Roma 7:18 ပူးပေါင်းရင်းမြစ်များ

Matyo 15:19

N təŋkey, à loʼ n fə̀ŋ zə moʼlə tə bəbə tə shiə kɔʼɔ bənə ni ghəŋə aghəə tə̀ a loʼ, ni wey wù, ni taa zaʼ wey wə nkee num wə, ni ghəŋə ghəə a laŋŋə ghə, ni tsɔŋ, ni bad aghəə, nsə ni tsayyə wù.

Lukas 11:13

Abə ghaa ghə̂ a bəbə ghə, ghaa khənə ni fu fə u dzuŋu wə tə̀ waa a ghaa ghə, Bày idəŋ i boʼo fu ngee Zay kə Zow kə tə̀ ghə̂ ghey ghə bəb bənə tə wi!”

Tùm i dzuŋu zə kuum Yeso Klisto tə Jɔn â tɔɔnə 3:6

Wù sɔŋtsuʼ jiə wù sɔŋtsuʼ, Zay K-a-zə̀ kə a kee ghəŋŋənə saa nə̀ saa keeli kəzay.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 7:15

N baa tɔʼɔ zowkeeli way ghəə ghey n ghəŋŋənə n təŋkey, n ghəŋŋə way ghəə ghey n ləghənə ni ghəŋə. N fədlə ghəŋŋə ndow ghəə ghey n ləghə way ni ghəŋə.

Roma 7:19

N ghəŋŋə way ghə i dzuŋu zey n moʼlənə ni ghəŋə. N fədlə ghəŋŋə ndow kə ghəə a bəbə ghey n mə ləghə way ni ghəŋə.

Roma 7:25

N kee fuu kəzɔŋŋə K-a-zə̀ tə bəghəshinə mə n bam i Yeso Klisto tə loʼnə Mûkəbii saa. Ghaa koʼonu jìi zey n loʼnə nya tii ə? N fə̀ŋ zuŋ, n ndzəmə ləghənu ni naŋŋə laŋ u Kəzə̀, à kee loʼ nə̀ nghee n ghəŋŋənə ghəə ghey vən fə uwû fuŋ fə ləghənə, mə n doʼ kɔd kə tə bəb zə.

Roma 7:5

I loʼ sey n təŋkey, nəŋə zey saa â nam muunə n jìi zey vən fə uwû i saa i ləghənə, saa â ngii khə zày ni ghəŋŋə ghəə a bəbə ghə, laŋ kə n baa chimmə may ndow saa ni ghəŋŋə ghəə a bəbə a tii ghə. Ghəə ghey saa ghəŋŋənə adzəm, a ney bə ivə.

Galeshia 5:17

N sey dza n təŋkey, ghəə ghən gow uwû ləghənə, bəghəm dzəŋi dzə way ghi ghəə ghən Zay kə Zow kə ləghənə. Ghəə ghən Zay kə Zow kə ləghənə bəghəm dzəŋi soʼo way ghi ghəə ghən gow uwû ləghənə. Fə wən ubəghə dzəŋi zuu baalənu, dii tsu nə wə khə way daʼa kə ni ghəŋə ghəə zey wə ləghənə ni ghəŋə

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Filipi 3:12

N dza dzə way nə̀ mə n keeli may ghəə a tii ghə nkee nə̀ mə n daŋŋə doʼo tən tsətsəghə. N nam dəmənu ni keeli fə̂ u tii wə, kumnə Yeso Klisto mâ ghəŋə mə nə̀ n doʼo wù wi.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.