Roma 7:1 - Kaa n Kəzə̀ n fəghə mə

¹ Waazə ghuŋ ghə, ghaa məghənu ghəə ghey laŋ kə dzanə? Ghaa məghənu nə̀ laŋ kə khə kə kədaʼa n kow wù n nəŋə zey tə nam loʼnə utaw ə?

Roma 7:1 ပူးပေါင်းရင်းမြစ်များ

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 10:1

Waazə ghuŋ a dzuŋu ghə, dey zuŋ nsə gɔŋŋə zuŋ n tow kə ghə̂ ghə Izree i loʼ nə̀ Zə̀ kə mə bəghəshi ghə.

Roma 10:4

I loʼ nə̀, Klisto mâ bə ghəŋə tsəghə nə̀ ghə̂ a doʼo tsətsəghə n sə K-a-zə̀ nə̀ à way dzə a dza ghə naŋŋə kəlaŋ. À wey loʼ ghə i tii zə, wù wey tə bəghəmnə tə wi, i doʼlə tsətsəghə n sə K-a-zə̀.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:3

Ghaa mgbaŋ khənu nə̀ saa adzəm, saa ma ney mmuu n Kəzə̀ mə ni doʼo nə kəfə kəmɔʼ ghi Yeso Klisto. À loʼ ni dii tsu nə̀ saa mâ dzəŋi kpu ghi Klisto.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 9:3

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

1 Kɔrint 9:8

Ghaa moʼlə nə̀ n ghəə ghən maŋa dza n daʼa kə wù sɔŋtsuʼ ə? À loʼ nə̀ laŋ kə dza way ghə i mɔʼɔ zə ə?

Galeshia 4:21

Ghaa ghən ghaa ləghə ni muu n tənə kəlaŋ, dza bə na tə mə, ghaa məghənu fə key laŋ kə tii kə diinə ə?