Roma 6:4 - Kaa n Kəzə̀ n fəghə mə

⁴ Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

Roma 6:4 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 11:40

Yeso n dza nə̀, “N ka dza tə wɔ nə̀ abə wə khənə bəghəm i fə̀ŋ zə, wə i koʼ ghaʼ i Kəzə̀ ə?”

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Roma 6:19

N ghəə ghən ghɔɔmə bə n jìi zey ghaa loʼ ni zowkeeli n təŋkey, ghəə a loʼ a loʼnu a tawnə tə̀ wù sɔŋtsuʼ ni zowkeeli. Sə̂ i sə, ghaa â fuu may nyi ndow wû i ghaa tə a loʼ ukɔd ni ghəŋŋə ghəə a laŋŋə ghə, nsə ghəə a bəbə ghə. A loʼ ighələ ghaa khənə ni fuu may ndow soʼo wû i ghaa tə̀ a loʼ ukɔd ni ghəŋŋə ghəə ghey a loʼnə tsətsəghə sey nə̀ ghaa loʼ ni zow n sə K-a-zə̀.

Roma 6:3

Ghaa mgbaŋ khənu nə̀ saa adzəm, saa ma ney mmuu n Kəzə̀ mə ni doʼo nə kəfə kəmɔʼ ghi Yeso Klisto. À loʼ ni dii tsu nə̀ saa mâ dzəŋi kpu ghi Klisto.

Roma 6:8

Nghee i loʼ nə̀ saa mâ kpu dzəŋi ghi Klisto, saa khə bəghəm i fə̀ŋ nə̀ saa i muulə soʼonu ghi wi.

Roma 6:9

I loʼ sey n təŋkey saa khənu nə̀ nghee Zə̀ kə â zhəm dzəŋŋə bənə Klisto nə ivə, tə nə kəm kpu koʼ way. Və i kəm khə way daʼa kə n kow wi.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

1 Kɔrint 6:14

Zə̀ kə i zhəm dzəŋŋə bə saa nə ivə n daʼa kə wi, ighələ tə̀ tə â zhəm dzəŋŋə bənə Mûkəbii nə̀ ivə.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

Kolose 4:1

Abə ghaa ghə mûkəbii ghən ghaa khənə ghə̂ a kəfwaʼ ghə, ghaa khə ni laalə ghə n jìi zey i kpiilənə, ghaa kwu keeli soʼo ghə n wɔ a dzuŋu ghə. Ghaa khə ni ghəŋŋə sey n təŋkey ghaa khənu nə̀ ghaa khə soʼonu Mûkəbii ə ghaa tə loʼ idəŋ.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.