Roma 6:3 - Kaa n Kəzə̀ n fəghə mə

³ Ghaa mgbaŋ khənu nə̀ saa adzəm, saa ma ney mmuu n Kəzə̀ mə ni doʼo nə kəfə kəmɔʼ ghi Yeso Klisto. À loʼ ni dii tsu nə̀ saa mâ dzəŋi kpu ghi Klisto.

Roma 6:3 ပူးပေါင်းရင်းမြစ်များ

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Kəfwaʼ 19:5

Nghee ghə daŋŋə zow tsunə ghɔɔmə zən, ghə n bəghəm fu, ney kɔʼ mmuu n Kəzə̀ n zəd i Mûkəbii Yeso.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 8:16

Zay kə Zow kə â ka kam nyi dzə n kow ghə, n təŋkey, ghə â ney kə mmuu n Kəzə̀ n zəd i Mûkəbii Yeso.

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

Roma 6:8

Nghee i loʼ nə̀ saa mâ kpu dzəŋi ghi Klisto, saa khə bəghəm i fə̀ŋ nə̀ saa i muulə soʼonu ghi wi.

Roma 7:1

Waazə ghuŋ ghə, ghaa məghənu ghəə ghey laŋ kə dzanə? Ghaa məghənu nə̀ laŋ kə khə kə kədaʼa n kow wù n nəŋə zey tə nam loʼnə utaw ə?

1 Kɔrint 10:2

Ghə n dzəŋi ney kɔʼ mmuu n Kəzə̀ nə təmbaʼ nsə n naali kə dzuu kən nghee tə ghə â dzûmə ndownə Mushi.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 15:29

Abə à ndzəm loʼ isəŋə nə̀ ghə̂ a kpu ghə i zhəm dzəŋŋə bə way nə ivə, a kee loʼ kee ghə̂ a loʼ a neynə mmuu n Kəzə̀ mə n tow u ghə̂ kpu ghə ə? Ghə zə̂ə kee tii abə à loʼ nə̀ ghə̂ a tii ghə i zhəm dzəŋŋə bə way ə?

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

1 Kɔrint 6:9

Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

1 Kɔrint 9:13

Ghaa məghənu nə̀ ghə̂ a Kəzə̀ ghey ghə fwaʼanə n Ndaw Kəzə̀ i nii zə, zəə fəzəə wey u nuu bənə n dzəŋi kə dzûmə tə Klisto ə? Ghaa məghə soʼonu nə̀ wù wey tə fwaʼanə n tsə zey ghə fəələnə maʼlə wə tii zəə n fə wey ghə̂ a bə fəələnə maʼlə wə tii ə?

1 Kɔrint 9:24

Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.

2 Kɔrint 13:5

Laalə tsu na wû i ghaa zə̀ ni koʼ nə̀ ghaa nam gaʼnu fə̀ŋ n kow Klisto ə? Ghaa koʼo keeli way nə̀ Klisto ndzəm loʼ n kow ghaa ə? À may kə nə̀ ghaa koʼ tsu nə̀ ghaa n bwu khə̂mə.

Galeshia 3:27

Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.