Roma 6:2 - Kaa n Kəzə̀ n fəghə mə

² Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 6:2 ပူးပေါင်းရင်းမြစ်များ

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Roma 5:11

A kad way kə sey, Zə̀ kə ghəŋə nə̀ saa i duʼlə n bam i Mûkəbii saa Yeso Klisto, tə ghəŋənə nə̀ saa i loʼ nə kəfə kəmɔʼ ghi Zə̀ kə.

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Galeshia 2:19

Abə a loʼ kə tə̀ laŋ kə, n bəghəmnu ni kpu, sey nə̀ mə i loʼ ni muu muu zey Zə̀ kə ləghənə.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Kolose 2:20

Ghaa mâ mgbaŋ kpu ghi Klisto, tə n bəghəshi nuu bə ghaa n wɔ zày wən u saʼanə mbi. À sə loʼ kee ghaa kəm dzûmə nə laŋ u mbi wə? Kə ghaa nə kəm dzûmə nə ndzoʼo laŋ wən u dzanə nə̀,

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Jɔn 3:9

Ghə̂ ghən ghə loʼnə waa a Kəzə̀ ghə, kəm way ni ghəŋŋə ghəə a bəbə ghə bòʼ nə̀ mwam u Kəzə̀ a loʼ n kow ghə, nsə təŋkey, Zə̀ kə loʼ Bày ghə, sey, ghə kəm way ni tsəghə ndow n sə kə ni ghəŋŋə ghəə a bəbə ghə.