Roma 6:11 - Kaa n Kəzə̀ n fəghə mə

¹¹ N jii i mɔʼɔ zə, ghaa khə ni zowkeeli tsu nə̀ bəb i kəm khə soʼo way daʼa kə n kow ghaa. Muu zey ghaa muunə nya, loʼ muu zey i kpiilənə tə̀ Zə̀ kə n təŋkey ghaa loʼ nə̀ kəfə kəmɔʼ ghi Yeso Klisto.

Roma 6:11 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 6:10

Sey, və zən tə â kpunə â loʼ ni wey maʼa tən daʼa kən ghəə a bəbə a khənə n kow saa. Muu zən tə muunə nya, a loʼ muu zey i kpiilənə tə̀ Zə̀ kə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 6:2

Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

Roma 7:6

A kee bə nya, Zə̀ kə n saa bəghəshi n laŋ wən wə â kow naŋanə saa. Saa nya loʼ tə̀ a loʼ ghə̂ a kpu ghə tə̀ laŋ kə. Saa nya kəm fwaʼa way tə̀ Zə̀ kə nə̀ saa dzûmə ndow ghəə ghey ghə tɔ̀ɔ naŋanə n màʼlə k-a-laŋ, saa nya fəd muu tə̀ Zay kə Zow kə diinə.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:7

Sey, buulə i Kəzə̀ zən i tsəghəshinə tɔb u wù sɔŋtsuʼ wə udzəm, zə i loʼ ghi ghaa, ghəŋŋə nə̀ fə̀ŋ tə̀ ghaa nsə moʼlə tə ghaa tə i loʼ nə kəfə kəmɔʼ ghi Klisto.

Kolose 2:20

Ghaa mâ mgbaŋ kpu ghi Klisto, tə n bəghəshi nuu bə ghaa n wɔ zày wən u saʼanə mbi. À sə loʼ kee ghaa kəm dzûmə nə laŋ u mbi wə? Kə ghaa nə kəm dzûmə nə ndzoʼo laŋ wən u dzanə nə̀,

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.