Roma 5:9 - Kaa n Kəzə̀ n fəghə mə

⁹ Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

Roma 5:9 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

Efesus 2:13

À kee loʼ nə nghee ghaa loʼnə nə kəfə kəmɔʼ ghi Yeso Klisto, ghaa ghən ghaa â lɔʼlə loʼnə, ghaa n kuʼlə doʼo bə nyisa n səə Kəzə̀ n bam i kaŋ tə Klisto.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Hibru 9:22

I ndzəm loʼ n laŋ kə Mushi nə̀ à teeli loʼ kə təkaŋ tə ghəŋŋənə nə̀ ufə udzəm wə i zow nsə nə̀ abə ghə ka fəələ təkaŋ, ghə way ni neyzəə ghəə a ghə a bəbə ghə.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.