Roma 5:21 - Kaa n Kəzə̀ n fəghə mə

²¹ Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 5:21 ပူးပေါင်းရင်းမြစ်များ

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Roma 4:13

Zə̀ kə â təb naŋa tə Abraham ghi waa a waa a wi ghə nə̀ à i keeli ghə mbi zən. Â way dzə nə̀ tə â tɔʼɔ ngii naŋŋə laŋ K-a-zə̀, â fəd loʼ n təŋkey, tə â bəghəm tə Zə̀ kə, Zə̀ kə n ney ndow wi nə̀ tə loʼ tsətsəghə.

Roma 5:12

Bəb zə â bə fa n mbi nə̀ a ney bə wù umɔʼ. Bəb i tii zə n ney bə ivə. Sey, və zə n daŋ ndow aghə̂ adzəm n mbi n təŋkey, aghə̂ adzəm fa n mbi n ghəŋə bəb zə.

Roma 5:14

À loʼnu isəŋə nə̀ və zə â khə tsənu daʼa kə n kow ghə̂ ghə adzəm fa n mbi ni ney nuu bə n num tə Adam, bə kuum bə n num tə Mushi. Ghə̂ ghə kpuu boʼ ghəə a ghə a bəbə ghə â way dzə nə̀ kpuu ghə bwu laŋ kə loʼ kə tə Adam â bwunə laŋ kə. I loʼ nə̀, Adam â loʼ tə a loʼ tsəə n ndzoʼo wù wey Zə̀ kə â dza naŋa nə̀ i tûm bənu.

Roma 5:17

À loʼ kənu isəŋə nə̀ və zə â keeli kədaʼa n kow ghə̂ ghə fa n mbi nə̀ à ney bə bəb zey wù umɔʼ â ghəŋə tsunə. A kee loʼ nə̀, ndzuŋ zən nsə naamə kən kə bəghənə n bam i wù umɔʼ tɔŋɔ Yeso Klisto kə tsəghəshi bəb zey, ghəŋŋənə nə̀ saa doʼo tsətsəghə n muu i saa ghi Zə̀ kə.

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:16

Ghaa khə way nə̀ abə ghaa fuu nyi ndownə wû i ghaa zə ni zow tə wù loʼ tə a loʼ ukɔd, ghaa sey loʼ kɔd u wi. I sey diinə, ghaa loʼ ni doʼo ukɔd tə bəb zə, i ney ndow ghaa nə ivə, nkee ghaa doʼo ukɔd tə Zə̀ kə, tə ghəŋŋə nə̀ ghaa doʼo bə tsətsəghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:10

Abə à kee loʼ nə̀ Klisto loʼnu n kow wɔ, nghee à tsəm buʼ loʼ kə nə̀ gow uwû zə n kpu doʼo bòʼ bəb zə, Zay kə Zow kə fuunu wɔ n muu zə n təŋkey Zə̀ kə n ney nə̀ wə loʼ tsətsəghə.

Taytus 2:11

Zə̀ kə n dii bə tə saa ndzoʼo fə̀ŋ i dzuŋu zey tə khənə nghee tə bənə ni bə bəghəshi aghə̂ adzəm.

Hibru 4:16

Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.