Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 5:2 - Kaa n Kəzə̀ n fəghə mə

2 À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

အခန်းကိုကြည့်ပါ။ ကော်ပီ




Roma 5:2
43 ပူးပေါင်းရင်းမြစ်များ  

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’


Sey Yeso n kəm dza ndòw tə̀ ghə nə̀, “N kùm dza bə tə̀ ghaa nə̀, n loʼ fuʼ u mbàa u tənjì.


N loʼ fû u mbàa, wù wey tə̀ tsəghə nyinə tii, tə î keeli ibəghəshi. Ghə i shiə fəə ghii wə, nyiə dzəŋŋə nə̀ ghə khə way fəmmə kə loʼ kə.


Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.


N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.


Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.


À loʼ kənu isəŋə nə̀ ghə â khə̂mə nuu shi bə kpìi tə loʼ tey n təŋkey ghə â ka bəghəm dzə tə̀ Zə̀ kə, ghaa a kee tey n təŋkey, ghaa bəghəm tə Zə̀ kə. À kee loʼ nə̀ ghaa khə dzə way ni ghaŋŋə wû zə n ghə i loʼ zə, ghaa fəd khə ni ney ighə̂mə.


Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.


Wə loʼ ndee tə wə i saʼa wù kəfwaʼ a wù nuu ə? À loʼ kə mûkəbii wi tə loʼnə ni dza nə̀ tə fwaʼa dzɔbənu nkee tə fwaʼa dzɔbə way. N daʼa K-a-zə̀, tə i fwaʼa dzɔbənu n təŋkey à loʼ Mûkəbii tə loʼnə ni ghəŋə wi nə̀ tə fwaʼ dzɔb.


N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.


Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.


I loʼ nə̀, aghə̂ adzəm n ghəŋŋə bəəbə n sə K-a-zə̀, sey, ghə ka kəm kɔʼ kpii dzə ni ghəŋə ghəə zey Zə̀ kə loʼ ni kali ghə tii.


Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.


Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.


Nghee Zə̀ kə â bəghəshinə saa, tə n ghəŋə nə̀ saa i ləmmə ni keeli kɔʼlə n wi. Abə saa kee khə dzənə fə kə, saa way ni kəm ngii khə zay ni ləmmə fə kə tii kə. I loʼ sey n təŋkey, wù wey tə khənə fə kə, tə kəm ngii khə dzə way zay ni ləmmə fə kə tii kə.


Waazə ghə, n dza i zəŋŋə bə ghaa n tûm i dzuŋu zən mə â naʼlə tə̀ ghaa, ghaa n ney naŋa tsu, ghaa u təmi taw tsunə tii n bəghəm i fə̀ŋ i ghaa.


Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.


Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.


À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.


Sey, saa loʼnu nyisa ni ndow n səə Kəzə̀ nə̀ saa khə way tsəŋ zə, tə i kpiney saa nghee saa loʼnə nə kəfə kəmɔʼ ghi Klisto nsə bəghəm i fə̀ŋ zən saa khənə n kow wi.


À wən loʼ ghə i tii zə ghaa khə ni dzəŋə kɔʼ fə u tsam wən udzəm Zə̀ kə fuunə, sey nə̀, abə tsuʼ fə bəbə fə i bənə, ghaa i loʼ ni təm zə̂ ghə̂ a təngəmə a ghaa, nsə nə̀ abə ghaa təm zə̂ kɔʼnə ghə, ghaa i nam khə daʼa kə ni təmi taw tsu n bəghəm i ghaa.


Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.


Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.


Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.


N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,


Naʼ i tii zə n nyiələ tənə ghi daa kən kə baŋa shiə bənə n kow Zə̀ kə. Naʼ i tii zə n nyiələ tə a loʼ tay i wən i tii i tawnə, nyiələ tə a loʼ tay n loʼ mə ghə tɔŋŋə nə̀ a loʼ jaspa, zowwə soʼo tə a loʼ kəlungali.


Inyi nsə ndzɔŋ khə way fwaʼ kə loʼ kə fu inaʼ, n təŋkey, daa kən kə baŋa shiə bənə n kow Zə̀ kə baŋa fu inaʼ, Waa Nji zey u loʼ soʼonə daa kə naʼ i tii zə.


Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.


Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ