Roma 5:17 - Kaa n Kəzə̀ n fəghə mə

¹⁷ À loʼ kənu isəŋə nə̀ və zə â keeli kədaʼa n kow ghə̂ ghə fa n mbi nə̀ à ney bə bəb zey wù umɔʼ â ghəŋə tsunə. A kee loʼ nə̀, ndzuŋ zən nsə naamə kən kə bəghənə n bam i wù umɔʼ tɔŋɔ Yeso Klisto kə tsəghəshi bəb zey, ghəŋŋənə nə̀ saa doʼo tsətsəghə n muu i saa ghi Zə̀ kə.

Roma 5:17 ပူးပေါင်းရင်းမြစ်များ

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Tùm i dzuŋu zə kuum Yeso Klisto tə Jɔn â tɔɔnə 10:10

Wù tsɔŋɔ bəghə kə ni bə tsɔŋ, ni wey, nsə ni bəəbə. Abə mə, n bə nə̀ ghaa keeli muu zə itsali, ghaa keeli muu i tii zə naʼ idzəm.

Roma 5:12

Bəb zə â bə fa n mbi nə̀ a ney bə wù umɔʼ. Bəb i tii zə n ney bə ivə. Sey, və zə n daŋ ndow aghə̂ adzəm n mbi n təŋkey, aghə̂ adzəm fa n mbi n ghəŋə bəb zə.

Roma 5:15

À kee loʼ nə̀ naamə key Zə̀ kə fuunə, way dzə tə aloʼ bəb i Adam. N dza sey n təŋkey, ndəmə aghə̂ a kpuulə bòʼ bəb i wù umɔʼ. À kee loʼ nə̀ à dow tsəghəshi ndzuŋ zən Zə̀ kə diinə nsə naamə kən tə fuunə tə̀ ghə̂ ghə n ndəm nə kənunu. Tə fuu naamə kən n bam i wù umɔʼ tɔŋɔ Yeso Klisto, tə â kpuunə n tow u ghə.

Roma 5:20

Zə̀ kə fuu bə laŋ kə wi nə̀ ghə̂ adzəm i loʼ ni koʼo ndow ghəə a bəbə ghən ghə ghəŋŋənə. A n kee bə ghə̂ a ghəŋŋə nduŋŋə ndow kə ghəə bəbə ghə, Zə̀ kə n baa kəm dii bə ndzuŋ ə wi tə̀ ghə̂ ghə naʼ idzəm nə̀ maŋ kwɔɔlə tsu isî.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:39

Abə a tsəm loʼ kə fə wey u loʼ idəŋ nkee u wey u loʼnə itən nkee fə wən Zə̀ kə bɔmnə fa n mbi udzəm, fə kə loʼ kə tsəm way dzə kə loʼnə ni dzawwə saa ghi ləghə zən Zə̀ kə khənə n kow saa ghən saa loʼnə nə kəfə kəmɔʼ ghi Mûkəbii saa Yeso Klisto.

1 Kɔrint 15:49

Nghee i loʼ nə̀ saa bɔɔmə khə ndzoʼo wû u Adam wən Zə̀ kə â bɔmnə nə təzub, i sey dii nə̀ saa i bɔɔmə keeli soʼonu ndzoʼo wû u Klisto wən tə â tsu bənə idəŋ.

1 Kɔrint 4:8

Ghaa n keeli may fə̂ wey udzəm ghaa â ləghənə ni keeli ə? N dza ghaa n doʼo tən ghə̂ a kûum ghə? Ghaa nya loʼ udəŋ nə̀ ghey ka kam doʼo də̀ŋ wə ə? Tə̂ n mə duʼlə abə ghaa mə̂ ndzəm loʼnə də̀ŋ wə, sey ghey mə mbɔŋ loʼ ni doʼo bə udə̀ŋ ghi ghaa.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

Chi dii 1:6

A loʼ wi tə ghəŋənə nə̀ saa doʼo bə ghə̂ a wi, saa doʼo soʼo ghə fɔɔngili ni fwaʼa tə Zə̀ kə tə loʼ Bày wi. Nkɔʼlə n dzəm nsə daʼa wə udzəm n mbi loʼ u wi wə tə̀ mbi nə bə may. Zə i loʼ sey.

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 20:6

Zə̀ kə i ngii buulə ghə̂ ghən ghə i ney dzəŋinə ghə ghi ghə̂ a sə isə ghən Zə̀ kə i zhəm dzəŋŋə bənə ghə nə ivə, tə ney soʼo ghə nə̀ ghə loʼ ghə̂ a zow ghə. Və i zən i dzûmə ndow i sə isə zə, khə way daʼa kə n kow ghə. Ghə i fəd doʼo bə ghə fɔɔngili ghey ghə fwaʼanə tə Kəzə̀ nsə tə Klisto, ghə i saʼa ghi wi nə tənum kam.

Chi dii 22:5

Ləm kə nə kəm doʼo koʼ way, daa kə nə kəm khə way fwaʼ kə loʼ kə nkee tsə̀ n təŋkey Mûkəbii tə loʼnə Zə̀ kə, i loʼ daa kə ghə, ghə nə saʼ tə a loʼ udəŋ nə tənəŋə tədzəm.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.