Roma 5:13 - Kaa n Kəzə̀ n fəghə mə

¹³ Isəŋə loʼ nə̀, bəb zə â loʼnu fa n mbi tə Zə̀ kə ni fuu bə kəlaŋ. A kee loʼ nə̀, Zə̀ kə â kam ney dzə way nə̀ ghə̂ ghə n ghəŋə bəəbə n ghəə a bəbə ghey ghə â ghəŋənə nə̀ laŋ kə ka kam doʼo.

Roma 5:13 ပူးပေါင်းရင်းမြစ်များ

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

1 Kɔrint 15:56

Və i keeli kədaʼa bòʼ ghəə a bəbə ghən ghə̂ a ghəŋŋənə, ghəə a bəbə ghə u ngii loʼ n təŋkey, ghə̂ a naŋŋə way laŋ K-a-zə̀ kə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:4

Wù wən tə ghəŋŋə ghəə a bəbə ghə, bwuulə maʼa laŋ K-a-zə̀, n təŋkey, ghəə a bəbə ghə adzəm bwuulə maʼa laŋ K-a-zə̀.