Roma 5:12 - Kaa n Kəzə̀ n fəghə mə

¹² Bəb zə â bə fa n mbi nə̀ a ney bə wù umɔʼ. Bəb i tii zə n ney bə ivə. Sey, və zə n daŋ ndow aghə̂ adzəm n mbi n təŋkey, aghə̂ adzəm fa n mbi n ghəŋə bəb zə.

Roma 5:12 ပူးပေါင်းရင်းမြစ်များ

Roma 3:23

I loʼ nə̀, aghə̂ adzəm n ghəŋŋə bəəbə n sə K-a-zə̀, sey, ghə ka kəm kɔʼ kpii dzə ni ghəŋə ghəə zey Zə̀ kə loʼ ni kali ghə tii.

Roma 5:18

Nghee tə i loʼ nə̀ à loʼ ghə i bəbə zən imɔʼ i ghəŋənə nə̀ Zə̀ kə dza nə̀ aghə̂ adzəm n bwu saʼ, a loʼ soʼo ighələ ghə i dzuŋu zən imɔʼ Klisto â ghəŋənə i ghəŋənə nə̀ aghə̂ adzəm a doʼo tsətsəghə n sə K-a-zə̀, ghə keeli soʼo muu zən i nə may way.

Roma 5:19

Nghee i loʼ nə̀ wù umɔʼ a tuu ni zow tə Zə̀ kə, ndəmə aghə̂ n doʼo bə ghə̂ a bəbə ghə. N jii i mɔʼɔ zə, wù umɔʼ tə â zownə tə̀ Zə̀ kə, i ghəŋŋənə nə̀ ndəmə aghə̂ doʼo bə tsətsəghə n sə K-a-zə̀.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 6:21

Ghaa â keeli naamə kə ghaa kə n ghəə a tii ghə, ghaa sə̀ loʼ nə̀ ghaa nya buʼu dədlə n tow kə n ghəə a tii ghə? Ghaa koʼo way nə̀ ghəə ghən adzəm a ney bə ivə ə?

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

1 Kɔrint 15:56

Və i keeli kədaʼa bòʼ ghəə a bəbə ghən ghə̂ a ghəŋŋənə, ghəə a bəbə ghə u ngii loʼ n təŋkey, ghə̂ a naŋŋə way laŋ K-a-zə̀ kə.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Jems 1:15

Ambə moʼlə tə bəbə tən nyi bəghə taw tsunə n fə̀ŋ zə, wə n zey ndow ni ghəŋə ghəə a bəbə ghə. Ambə wə ghəŋə tsəghə tsunə ghəə a bəbə ghə, və zə n bə ney nuu kɔʼ wɔ.

Jems 3:2

I loʼ nə̀, saa adzəm nɔʼɔnu n ndəmə təjìi. À kee loʼ nə̀ wù wey tə loʼ ni doʼo nə̀ tə nɔʼɔ koʼo tsə way ghəə zey tə dzanə, tə loʼ wù tsətsəghə, dii tsu nə̀, tə loʼnu ni tɔʼ kwu keeli soʼo wû u wi.