Roma 4:21 - Kaa n Kəzə̀ n fəghə mə

²¹ Abraham â khə tən n fə̀ŋ ə wi nə̀ Zə̀ kə khənu daʼa kə tii kə ni ghəŋə ghəə zey tə â təb naŋanə.

Roma 4:21 ပူးပေါင်းရင်းမြစ်များ

Matyo 19:26

Yeso n laalə tsəghə ndòw ghə, dza tə̀ ghə nə̀, “Tə̀ wù sɔŋtsuʼ, ghə i tii i way ni ney kəbənə, a kee bə tə̀ Zə̀ kə, ghə i loʼ i way i taw tsəghəshiənə wi ni ghəŋə.”

Lukas 1:1

Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.

Lukas 1:37

I dii tsu nə̀ ghə i loʼ i tsəm way ni tsəghəshi Kəzə̀.”

Lukas 1:45

“Buulə i loʼ ghi wɔ nghee wə̀ khənə bəghəm i fə̀ŋ zə nə̀ ghə zey Mûkəbii dzanə zə î bə doʼlənu isəŋə.”

Roma 14:4

Wə loʼ ndee tə wə i saʼa wù kəfwaʼ a wù nuu ə? À loʼ kə mûkəbii wi tə loʼnə ni dza nə̀ tə fwaʼa dzɔbənu nkee tə fwaʼa dzɔbə way. N daʼa K-a-zə̀, tə i fwaʼa dzɔbənu n təŋkey à loʼ Mûkəbii tə loʼnə ni ghəŋə wi nə̀ tə fwaʼ dzɔb.

Roma 14:5

À loʼ ighələ, ghə̂ a loʼ a loʼnu, ghə moʼlənə nə̀ tsuʼu n loʼ n loʼnu, à loʼnə tsuʼu n səŋi mə ni ngɔɔmə Kəzə̀ tii tsəghəshi tsuʼu n loʼ mey. Ghə̂ a loʼ ghə u kee khə n fə̀ŋ tə ghə nə̀ tsuʼu n dzəm loʼ kə ighələ. À khə kə kay wù ni sày tsuʼ fey tə moʼlə nə̀ fə kpiinu ni ngɔɔmə Kəzə̀ tii.

Roma 8:38

N dza sey n təŋkey n khənu nə̀ fə kə loʼ kə way dzə ni dzawwə saa n ləghə zən Zə̀ kə khənə n kow saa. Nə à loʼ kə ivə nkee imuu, nə̀ a loʼ kə tsətəndəghə tə Kəzə̀ nkee avəətsəə, nə̀ a loʼ kə ghəə ghən saa loʼnə nya tii nkee a ghey a nə bəghənə nkee daʼa u ghaa wə, u tsəm way ni dzawwə koʼ saa.

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

Hibru 11:19

Abraham â ney tsu kə n fə̀ŋ ə wi nə̀ Zə̀ kə loʼnu ni zhəm dzəŋŋə bə Ayzik nə ivə. Saa loʼ ni dza tsu nə̀, Zə̀ kə â ney fuu dzəŋŋə bə Ayzik tə̀ Abraham nə̀ Ayzik mâ kpu.