Roma 4:17 - Kaa n Kəzə̀ n fəghə mə

¹⁷ I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

Roma 4:17 ပူးပေါင်းရင်းမြစ်များ

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 5:25

N dza bə isəŋə tə̀ ghaa nə̀ nəŋə i bəghənu, nəŋə i tii zə n buʼ kpi. Ghə̂ a kpuu a nə̂ zow dzə̂ ə Waa Kəzə̀, a ghey ghə nə zownə, bəghəm ghə i tii zə, ghə nə keeli bə imuu.

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Roma 3:29

Ghaa moʼo nə̀ Zə̀ kə kad loʼ kə Zə̀ kə ghə̂ a Təjuu, kee way Zə̀ kə ghə̂ ghey ghə way ghə̂ a Təjuu ghə ə? Ngaŋ! Zə̀ kə kad way kə tə̀ ghə̂ a Təjuu ghə, kə loʼ soʼo Zə̀ kə ghə̂ ghey ghə way ghə̂ a Təjuu ghə.

Roma 4:18

Abraham â ləmmə tənə kə n bəghəm i fə̀ŋ nə̀ Zə̀ kə i ghəŋŋənu ghəə zey tə â təb naŋanə nghee tə zuŋ kə â tsəm kəm way tə wi ni ləmə. Ghəə zən n ghəŋə nə̀ Zə̀ kə naŋa wi nə̀ tə loʼ bày tə naʼa tə n ndəm, ighələ tə̀ Zə̀ kə â təb naŋanə tə wi nə̀, “Waa a waa ghə, ghə i loʼ n ndəm tə a loʼ nsəghəbələ idəŋ.”

Roma 4:2

Abə à mə loʼ nə̀ Abraham â doʼo tsətsəghə sə K-a-zə̀ bòʼ ghə i dzuŋu i loʼ zə tə â ghəŋənə, tə mə loʼ ni tsɔbə fə̀ŋ tii, tə mə kee khə way ghə i loʼ zə ni tsɔb fə̀ŋ tii n sə K-a-zə̀.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 9:11

Zə̀ kə mâ sày naŋa tən wù wən tə i doʼlənə tow kə n fəŋŋə kə ghə ngɔ̀ŋ ghən nə ghə ka ghə kam ji. Â loʼ nə̀ ghə ka kam ghəŋə soʼo ghə i dzuŋu i loʼ zə nkee ghə i bəbə zə. Zə̀ kə â ghəŋə sey ni dii bə nə̀ jìi zey tə sàynə ghə̂ a wi ghə tii.

Roma 9:26

Zə̀ kə dza soʼo n màʼlə kə Hosia nə̀, “Luʼu tey mə̂ â dzanə tə ghə̂ ghə a tii nə̀, ‘Ghaa way dzə ghə̂ ghuŋ,’ Mə i tɔŋŋə ghə̂ ghey n luʼu tə tii tə nya nə̀ a loʼ waa a Zə̀ kən kə fuunə muu zə.”

1 Kɔrint 1:28

Zə̀ kə sày kɔʼ ghə̂ ghən ghə̂ a mbi a koʼo kiinə, ney ghə nə ghə maŋ loʼ kənunu, ni ghəŋə nə̀ ghə̂ ghən ghə̂ a mbi a neynə nə̀ a loʼ ghə̂ a səŋi ghə, ghə doʼo bə kənunu.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

1 Timoti 6:13

N dza bə tə wɔ n sə kə Zə̀ kən kə fuunə muu zə tə fə wə udzəm, nsə n sə kə Yeso Klisto wən tə â tɔʼ dzanə isəŋə n nəŋə zey Pontus Pilato â saʼanə wi,

Hibru 11:12

Sey, ni ney nuu bə n kôw wù wən umɔʼ tə â loʼnə tə̀ tə n kpu, ghə n ji waa a waa ghə n ndəm tə a loʼ nsəghəbələ n bikighow nsə tə a loʼ kəsəsay n nguŋə dzuu nə̀ ghə way ni taŋ may.

Hibru 11:3

À loʼ bəghəm i fə̀ŋ zən saa khənə n kow Zə̀ kə, i ghəŋənə nə̀ saa zowkeeli nə̀ Zə̀ kə â maŋ dza tsu kə nə̀ mbi doʼo bə, mbi n doʼo bə. À wey loʼ ghə i tii zə Zə̀ kə â neynə fə wən saa koʼo way ni ghəŋə fə wən saa koʼonə.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

1 Pita 2:10

Sə isə, ghaa â buʼ way tsə ghə̂ a Kəzə̀, a kee bə nya, ghaa a loʼ ghə̂ a wi ghə. Sə isə, Zə̀ kə â ka dii dzə sî i wi kwɔɔlə zə n kow ghaa, a kee bə nya, tə n kwɔɔlə sî zə n kow ghaa.

2 Pita 3:8

Fə ghuŋ a dzuŋu ghə, ghə i loʼ i loʼ fa n ləghə way nə̀ ghaa neyzəə! Ghə i tii i loʼ nə̀, n sə kə Mûkəbii, fətsuʼ fəmɔʼ, fə loʼ tə a loʼ tənum kam. Tənum kam a loʼ soʼo tə a loʼ fətsuʼ fəmɔʼ.