Roma 4:11 - Kaa n Kəzə̀ n fəghə mə

¹¹ Ghə â wɔ səghənu tyi kə Abraham kə. Ghə â səghə tyi kə wi tə a loʼ tsəə ni dii tsu nə̀ tə â bəghəm tə̀ Zə̀ kə nə̀ ghə ka kam səghə tyi kə wi kə. Zə̀ kə n ney ndow wi nə̀ tə loʼ wù wən tə loʼnə tsətsəghə bòʼ bəghəm i fə̀ŋ zey tə khənə n kow wi. Sey, Abraham loʼ bày tə ghə̂ ghən adzəm ghə bəghəmnə tə Zə̀ kə, Zə̀ kə a ney soʼonə ghə nə̀ ghə loʼ tsətsəghə abə ghə tsəm loʼ kə nə̀ ghə ka kam səghə tyi u ghə wə.

Roma 4:11 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 8:11

N dza bə tə̀ ghaa nə̀ ndəmə aghə̂ ghə i bəghənu, ghə nuu bənə n bad kə mbi key nyi i shiə kɔʼɔ bənə tii, nsə n bad key nyi i nyiə tsunə tii, ghə i bə doʼo bə nə kəzə̂ ghi Abraham, Ayzik, nsə Yakɔb n fɔ̀ɔ wə idəŋ wə.

Lukas 19:9

Yeso n dza tə wi nə̀, “Zə̀ kə n bəghəshi ndaw zən na, n təŋkey, wù wən loʼ soʼonu waa sali ndaw zə Abraham.

Tùm i dzuŋu zə kuum Yeso Klisto tə Jɔn â tɔɔnə 3:33

Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 8:33

Ghə n dza ndòw tə̀ wi nə̀, “Ghey loʼ waa a waa ghə Abraham, ghey ka kam doʼo koʼ tsə kɔd kə wù loʼ kə, wə loʼ ngee ni dzaa tə̀ ghey nə̀, ‘Ghaa i keeli ibəghəshi ə?’”

Roma 10:11

I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “Wù wey tə bəghəmnə tə wi, fə kə loʼ kə way kə ghəŋŋənə nə̀ tə dey uwû.”

Roma 10:4

I loʼ nə̀, Klisto mâ bə ghəŋə tsəghə nə̀ ghə̂ a doʼo tsətsəghə n sə K-a-zə̀ nə̀ à way dzə a dza ghə naŋŋə kəlaŋ. À wey loʼ ghə i tii zə, wù wey tə bəghəmnə tə wi, i doʼlə tsətsəghə n sə K-a-zə̀.

Roma 10:6

Tə n kee tɔ̀ɔ naŋa nghee wù loʼ ni doʼo tsətsəghə n sə K-a-zə̀ a dza tə khə bəghəm i fə̀ŋ nə̀, “Kə wə nə bəbənə n fə̀ŋ zə nə̀, ‘À i kɔʼɔ ndee idəŋ ni ndow ney tsuu bə Klisto ə?’ ”

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

Roma 3:26

Zə̀ kə ma kə̂ bayyə naŋa nəŋə zey tə i tum bənə Yeso ti, sey tən kow kə fə̀ŋ. Zə̀ kə â ghəŋə sey ni dii bə ghə̂ ghə adzəm nə̀ tə loʼ tsətsəghə. Nghee tə loʼ tsətsəghə, a loʼ wi tə ghəŋŋə soʼo nə̀ ghə̂ ghey ghə bəghəmnə tə Yeso i loʼ tsətsəghə.

Roma 3:30

Zə̀ kə loʼ kə kəmɔʼ, à loʼ wi tə ghəŋŋənə nə̀ ghə̂ ghən ghə loʼnə ghə̂ a Təjuu ghə, ghə doʼo tsətsəghə n sə kə wi n bam i bəghəm i fə̀ŋ zey ghə khənə n kow Yeso, ghəŋŋə soʼo nə̀ ghə̂ ghən ghə way ghə̂ a Təjuu a doʼo tsətsəghə n sə kə wi n bam i bəghəm i fə̀ŋ i mɔʼɔ zə.

Roma 4:10

Zə̀ kə â ney nə̀ Abraham loʼ tsətsəghə nə̀ ghə n səghə tyi kə wi kə mɔɔ â loʼ nə̀ ghə ka kam səghə tyi kə wi kə ə? Tə â ney wi nə̀ ghə ka kam səghə tyi kə wi kə â way dzə nə̀ ghə n səghə tyi kə wi kə.

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

Roma 9:33

I loʼ tə i tɔ̀ɔ doʼonə n màʼlə K-a-zə̀ nə̀, “Koʼo, n naŋŋə tsu itay n naʼ i Zayɔn, i ghəŋŋənə nə ghə̂ a taŋŋə tii, N naŋa tsu kənaa kə i ghəŋŋə nə̀ ghə taŋŋə bwu tii. À kee loʼ nə̀ wù wey tə bəghəmnə tə Zə̀ kə, i keeli way tow kə dədlə kə.”

Roma 9:6

N dza dzə way nə̀ təb kən Zə̀ kə â təb naŋanə, kə ka ney dzə bənə kə. N dza sey n təŋkey, à way dzə ghə̂ ghey adzəm ghə jinə ghə n naʼ zə Izree ghə ndzəm loʼnə ghə̂ a Kəzə̀ ghə.

2 Kɔrint 1:22

Tə n kuu naŋa tsəə ə wi n kow saa, ghəŋə nə̀ Zay kə Zow kə i muu n fə̀ŋ tə saa tə̀ a loʼ ni dii nə̀ tə̀ i fuunu naamə key tə â təb naŋanə nə̀ tə i fuunu tə̀ saa.

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Galeshia 3:7

I sey dii nə̀ ghə̂ ghən ghə baa loʼnə waa a waa ghə Abraham ghə, loʼ ghə̂ ghey ghə khənə bəghəm i fə̀ŋ zə n kow Zə̀ kə.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Galeshia 6:16

Abə tə ghə̂ ghən ghə bweynə n jii zən, n gɔŋŋə nə̀ buulə i Kəzə̀ nsə sî i kwɔɔlə i wi zə i loʼ ghi ghə nsə n kow ghə̂ a Kəzə̀ ghə adzəm.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Efesus 4:30

Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Chi dii 9:4

Ghə n dza tə ghə nə̀ kə ghə nə nyîmmənə ghii wə fa a ghəlitsə nkee nkaʼ nkee fə̂ kə loʼ kə, kə nyimmənə fa a ghəlitsə. Ghə loʼ kə ni nyimmə ghə̂ ghən ghə khə way tsə̀ə Kəzə̀ n tûm usə u ghə.