Roma 3:9 - Kaa n Kəzə̀ n fəghə mə

⁹ Saa loʼ ni dza tsu nə ngee nya a? Saa moʼlə nə̀ saa ghə̂ a Təjuu, saa loʼnu tsətsəghə n sə K-a-zə̀ tsəghəshi ghə̂ ghey ghə way ghə̂ a Təjuu ə? Ngaŋ! Mə n khə dii nə̀ saa ghə̂ a Təjuu nsə ghə̂ ghey ghə way ghə̂ a Təjuu ghə, saa dzəŋi khə təmoʼlə ni ghəŋŋə ghəə a bəbə ghə nəŋə tədzəm.

Roma 3:9 ပူးပေါင်းရင်းမြစ်များ

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 11:32

I loʼ sey n təŋkey, Zə̀ kə n ghəŋə nə̀ aghə̂ adzəm a doʼo bə tə a loʼ ghə̂ a ndaw tsaʼ tə tow kə taw kə, sey nə̀ tə loʼ ni dii sî i wi i kwɔɔlə zə tə ghə adzəm.

Roma 11:7

Saa loʼ ni kəm dza tsu nə̀ ngee nya a? Ghə̂ ghə Izree ghə â ka keeli dzə fə key ghə â kəŋənə, â lo kə sə fə aghə̂ fən Zə̀ kə â sày naŋanə. Zə̀ kə n kee ghəŋə nə̀ ghə̂ a loʼ ghey tawwə naŋa kɔʼ fə̀ŋ tə ghə nə̀ ghə i zow way ghəə zey tə dzanə tə ghə.

Roma 2:1

Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

Roma 3:1

Wu loʼ loʼ ni bəb nə̀, “À loʼ ghə i dzuŋu i ghaa zə wù keelinə abə tə loʼnə wù Juu tsəghəshi wù wey tə way wù Juu ə? Nkee à loʼ naamə kə ghaa kə wù keelinə abə ghə səghə tsunə tyi kə wi kə ə?”

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Roma 3:5

Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 7:14

Saa khənu nə̀ laŋ kə nuu bə n wɔ Zə̀ kə, mə n kee maŋ loʼ wù tə ghəŋənə ghəə ghey gow uwû ləghənə. N maŋ loʼ nə ghə n fìi fuu mə tə̀ a loʼ kəkɔd tə bəb zə.

1 Kɔrint 10:19

Ghəə ghən n dzanə dii dzə way nə̀ fəzəə wey ghə fuunə tə a loʼ umaʼlə tə̀ muʼu mə, khənu daʼa kə loʼ kə nkee ni dza nə̀ muʼu n khənu daʼa kə loʼ kə.

1 Kɔrint 14:15

Ghəə zey i kpiinə tə̀ mə ni ghəŋə à loʼ nə n khə ni gɔŋŋə n fə̀ŋ, gɔŋŋə soʼo n jìi zey n loʼnə ni zowkeeli. Nə n zhim aghəə, n khə ni zhim n fə̀ŋ zuŋ, zhim soʼo n jìi zey n loʼ ni zowkeeli.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

Galeshia 3:10

Zə̀ kə i ləŋə naŋŋə ghə̂ ghən ghə muunə nə ghə naŋŋə kəlaŋ, n təŋkey i tɔ̀ɔ doʼo n màʼlə K-a-zə̀ nə̀, “Zə̀ kə i ləŋə naŋŋə wù wey tə ka naŋa laŋ wən u tɔ̀ɔ doʼo n màʼlə k-a-laŋ udzəm.”

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Filipi 1:18

Nə̀ ghə ghəŋə kə ngee, chɔd u way! N duʼlə kə nə̀ ghə naʼlə tûm kùm Klisto. Abə à loʼ kə n moʼlə tə dzuŋu tə nkee n moʼlə tə bəbə tə, mə î nam duʼlə kənu.