Roma 3:5 - Kaa n Kəzə̀ n fəghə mə

⁵ Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

Roma 3:5 ပူးပေါင်းရင်းမြစ်များ

Roma 12:19

Waazə ghuŋ a dzuŋu ghə, kə ghaa nə deynə ngəmə tə abə wù ghəŋə bəəbənə ghaa n ghəə zə, kee naŋa ndow na tə Zə̀ kə, tə i dey fu ngəmə tə ghaa, n təŋkey, i tɔ̀ɔ doʼo n màʼlə K-a-zə̀ nə̀ Zə̀ kə dza nə̀, “À loʼ mə ni dey təngəmə n kow ghə̂ ghey ghə ghəŋŋənə ghəə a bəbə ghə, n tsə dzəŋŋə ghə̂ ghey ghə fəmmənə ghə̂ a loʼ ghə.”

Roma 2:5

Nghee ghaa kee taŋŋanə n fə̀ŋ ni kwey nuu bə n ghəə a ghaa a bəbə ghə, ghaa sey zuŋŋə kɔʼɔ ndow ngoʼ zən Zə̀ kə i fuunə tə ghaa, n təŋkey tsuʼ fə beghənu Zə̀ kə i chiə diinə nəghə u wi u fəə wə, tə saʼ aghə̂ adzəm tsətsəghə tə̀ i kpiilənə.

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Roma 3:7

Wù loʼ loʼnu ni nam dza soʼo nə̀, “Abə i loʼnə nə̀ ghəə a bəbə ghən n ghəŋənə, a ghəŋŋə nə̀ ghə̂ ghə i ndəŋə fuu kali wə tə Zə̀ kə tə naŋŋənə ghɔɔmə i wi zə nəŋə tədzəm. A sə loʼ kee Zə̀ kə nam saʼa kə mə tə a loʼ wù bəbə?”

Roma 4:1

Saa loʼ ni dza tsu nə̀ ngee kuum Abraham tɔŋŋə bày bày saa a? Tə a loʼ wù sɔŋtsuʼ, à loʼ ghə i ghaa zə zə â shinə tə wi ni dii bə nghee wù doʼlənə tsətsəghə n sə K-a-zə̀ ə?

Roma 5:8

Zə̀ kə n kee dii bə nə̀ tə ngii ləghə saa nghee tə̀ tə â tûm bənə Klisto nə̀ tə bə kpu n tow u saa nə̀ saa nam loʼ tsə ghə̂ a bəbə ghə.

Roma 6:1

Saa baa loʼ ni dza tsu nə̀ ngee nya a? Nə saa ndow kə n sə kə ni ghəŋŋə ghəə a bəbə ghə tə Zə̀ kə i ndəŋə dii bə saa n ndzuŋ ə wi ə?

Roma 6:19

N ghəə ghən ghɔɔmə bə n jìi zey ghaa loʼ ni zowkeeli n təŋkey, ghəə a loʼ a loʼnu a tawnə tə̀ wù sɔŋtsuʼ ni zowkeeli. Sə̂ i sə, ghaa â fuu may nyi ndow wû i ghaa tə a loʼ ukɔd ni ghəŋŋə ghəə a laŋŋə ghə, nsə ghəə a bəbə ghə. A loʼ ighələ ghaa khənə ni fuu may ndow soʼo wû i ghaa tə̀ a loʼ ukɔd ni ghəŋŋə ghəə ghey a loʼnə tsətsəghə sey nə̀ ghaa loʼ ni zow n sə K-a-zə̀.

Roma 7:7

Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

Roma 8:31

À loʼ ghə i ghaa zə saa loʼ ni kəm dza bòʼ ghəə zən ə? Abə Zə̀ kə taʼanə ghi saa, à loʼ ndee ni ballə ghi saa a?

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Kɔrint 9:8

Ghaa moʼlə nə̀ n ghəə ghən maŋa dza n daʼa kə wù sɔŋtsuʼ ə? À loʼ nə̀ laŋ kə dza way ghə i mɔʼɔ zə ə?

2 Kɔrint 6:4

Ghey fədlə dii bə wû i ghey tə̀ a loʼ ghə̂ a kəfwaʼ a Kəzə̀ a dzuŋu ghə nə̀ təjìi tədzəm, nghee ghey kownə fə̀ŋ n chɔd mən ghey keelinə, kow fə̀ŋ n ghəə ghən a tsəmə tawnə, kow soʼo fə̀ŋ nghee tə̀ ghey tsəmə zow kənə ngoʼ.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

Galeshia 2:18

Sey, abə n kəm kaʼ tsu ni bəghə dzəŋŋə laŋ wən mə â sàʼ maʼa nə̀, i sey dii nə̀ a bwùlə maʼa mə laŋ kə.

Galeshia 3:15

Waazə ghə, ney kɔʼ na n muu zən saa muu nə a tii tsuʼ ndzəm. Abə aghə̂ a bəghə a bəghəm dzəŋi kɔʼnə nə ighəə, zə̂ kɔʼ nkaa tii, wù loʼ way ni tuu maʼa nkee ni kuu kpiʼi ghə i loʼ zə tii.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 18:20

Duʼlə n na a bikighow kə, duʼlə n na bòʼ və i weyzən wən! Ghaa ghən ghaa loʼnə ghə̂ a Kəzə̀, duʼlə n na! Ghaa ngəd tə Yeso nsə tûm tə Kəzə̀ tə, duʼlə n na! Ghaa duʼlə n təŋkey Zə̀ kə n wi saʼ Ghəŋə nə̀ tə fəghə ighələ tə̀ tə â ghəŋənə nə̀ ghaa fəghə.’”