Roma 3:4 - Kaa n Kəzə̀ n fəghə mə

⁴ Ngaŋ! Abə aghə̂ adzəm fa n mbi tsəm loʼ kə ghə̂ a badla ghə aghəə ghə, Zə̀ kə kee dza tsə kə isəŋə nəŋə tədzəm. I loʼ tə i tɔ̀ɔ doʼo n màʼlə K-a-zə̀ nə̀, “Zə̀ kə, aghə̂ adzəm a khə ni keeli nə̀ wə naŋŋənu ghɔɔmə zə zə̀, Nə̀ ghə kwu kə wɔ n ghə i ghaa zə, wə i saʼa zəənu.”

Roma 3:4 ပူးပေါင်းရင်းမြစ်များ

Matyo 11:19

Waa weynum n ndòw bə, zə̂ə, məə soʼo nlə, ghə̂ adzəm n dza nə̀, ‘Koʼo kə wù wən, tə mèy zə̂ənu, tə məə khəə soʼo nlə, fə̂ a wi a loʼ ghə̂ a kwɔɔ a kəmàʼlə ghə nsə ghə̂ a bəbə ghə!’ A kee loʼ kə nə̀ tɔb u Kəzə̀ u dii bə kə isəŋə n ghəə a wi a ghəŋŋə ghə.”

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Tùm i dzuŋu zə kuum Yeso Klisto tə Jɔn â tɔɔnə 3:33

Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə.

Roma 11:1

N bəbə nə̀, à loʼ nə̀ Zə̀ kə n tuu maʼa ghə̂ a wi ghə ə? Ngaŋ à way dzə sey. Wû wuŋ, n loʼ wù Izree, waa waa Abraham n sali ndaw i Benjamin.

Roma 11:11

Sey, n bəbə nə̀, à loʼ nə̀ ghə̂ ghə Izree ghə â bwu sa bwu tən kənu ə? Ngaŋ! À ndɔm way dzə sey. I fəd loʼ nə̀ ghə̂ ghə Izree ghə â ghəŋə bəəbə tsunu, sey, Zə̀ kə n ghəŋə nə̀ ghə̂ ghən ghə way ghə̂ a Təjuu a keeli ibəghəshi ni ghəŋə nə̀ ghə̂ ghə Izree ghə i ghoʼo.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 6:2

Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 7:13

I sey diinə ghəə ghey a dzɔbənə, kəm ney bə ivə n kow mə ə? Ngaŋ! Â loʼ i bəb i ney bənə və zə n kow mə nə̀ i tsəghə n baa kəlaŋ. Laŋ kə loʼ fə kə dzuŋu kə ni ghəŋə nə̀ n keeli fə key bəb i baa loʼ ghii kə. Sey, à loʼ kəlaŋ kə dii fuunə nə̀ bəb i loʼ fə kə faalə kə.

Roma 7:7

Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

Roma 9:14

Saa loʼ ni dza tsu nə ngee nya? À loʼ nə̀ Zə̀ kə badlanu kpey wə ə? Ngaŋ! À ndɔm way dzə sey.

1 Kɔrint 6:15

Ghaa khə way nə̀ wû i ghaa i loʼ zuŋ u wû u Klisto ə? N loʼnu ni ney kɔʼ zuŋ kə uwû kə Klisto, n təmdzəŋi ndow ghi wû u wù wey tə loʼnə kpala kə ə? I way ni doʼo koʼ sey!

2 Kɔrint 1:18

Nghee tə̀ Zə̀ kə ndzəmə ghɔɔmənə isəŋə, ghɔɔmə i Kəzə̀ zey ghey naʼlənə tə̀ ghaa, ghey fwɔdlɔ bəghəm dzə way ghəə zə nə̀, “Ow, ow”, loʼ sey nə̀ n fə̀ŋ tə ghey, ghey tuu maʼanu ghə i tii zə nə̀, “Ngaŋ, ngaŋ.”

Galeshia 2:17

Abə saa bəghəm nə tə Klisto, n təŋkey, saa ləghə ni doʼo tsətsəghə n sə K-a-zə̀, i kəm bə shi kɔʼ nə̀ saa n bwù laŋ kə. A loʼnu ni dza nə̀ Klisto gaamə nə̀ saa i ghəŋŋə ghəə a bəbə ghə ə? Ngaŋ a way ni dza koʼ sey!

Galeshia 2:21

N way ni tuu maʼa ndzuŋ zən Zə̀ kə diinə tə mə, boʼnə abə wù mə loʼ ni doʼo tsətsəghə n sə K-a-zə̀, a dza tə naŋŋə kəlaŋ, zə i sey dii nə̀ Klisto â kpu nə kənunu!

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,