Roma 3:27 - Kaa n Kəzə̀ n fəghə mə

²⁷ I sey diinə saa way dzə ni ghaŋŋə iwû nə̀ saa n ghəŋə ghə i loʼ zə tə̀ Zə̀ kə ni ney saa nə̀ saa loʼ tsətsəghə. Saa way ni ghaŋŋə iwû n təŋkey, Zə̀ kə ka bəghəshi dzə saa a dza saa naŋŋə kəlaŋ, a fəd loʼ bòʼ bəghəm i fə̀ŋ zən saa khənə n kow Yeso.

Roma 3:27 ပူးပေါင်းရင်းမြစ်များ

Roma 2:23

Ghaa ghaŋŋə iwû nə̀ ghaa khə laŋ K-a-zə̀, ghaa a naŋŋə way laŋ kə tii kə. À sey way tow kə dədlə kə ghaa ney bənə tə Zə̀ kə ə?

Roma 4:2

Abə à mə loʼ nə̀ Abraham â doʼo tsətsəghə sə K-a-zə̀ bòʼ ghə i dzuŋu i loʼ zə tə â ghəŋənə, tə mə loʼ ni tsɔbə fə̀ŋ tii, tə mə kee khə way ghə i loʼ zə ni tsɔb fə̀ŋ tii n sə K-a-zə̀.

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Roma 2:17

Abə ghaa, ghaa dza nə̀ ghaa loʼ ghə̂ Təjuu, ghaa dza nə̀ ghaa ghəŋŋə ghəə ghey laŋ kə dii, ghaŋŋə soʼo iwû nə̀ ghaa loʼ ghə̂ a Kəzə̀.

Roma 7:21

À ndzɔʼ loʼ tə a loʼ laŋ kə loʼ kə mə, abə n moʼlə tsu kə ni ghəŋə ghəə zey i kpiilənə, à n bəghə kə ghəə a bəbə ghə.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

Roma 11:6

Zə̀ kə sày ghə n ndzuŋ ə wi, à way dzə nə̀ à loʼ ghə i loʼ zə ghə ghəŋə tsunə, n təŋkey abə à mə loʼ bòʼ ghə i loʼ zə ghə ghəŋə tsunə, tə ndzuŋ ə Kəzə̀ ə tii mə way dzə ndzuŋ i loʼ zə.

Roma 10:5

Mushi mâ tɔ̀ɔ naŋa jìi zey wù doʼlənə tsətsəghə tii n sə K-a-zə̀ a dza tə naŋŋə kəlaŋ. Tə â tɔ̀ɔ nə̀, “Wù wey tə naŋŋənə laŋ kə nə̀ tə ka nɔʼ n ghə i loʼ zə, laŋ kə i ghəŋŋə wi nə̀ tə muu.”

Roma 9:32

À tsəm loʼ sey n təŋkey, ghə â dəmə doʼo tsətsəghə n sə K-a-zə̀ nə̀ ghə khə way bəghəm i fə̀ŋ zə, kee moʼlə kə nə̀ a loʼ n bam i kəfwaʼ. Sey ghə n taŋŋə bwu n “Tay zey i ghəŋŋənə nə̀ ghə̂ a bwu.”

Roma 9:11

Zə̀ kə mâ sày naŋa tən wù wən tə i doʼlənə tow kə n fəŋŋə kə ghə ngɔ̀ŋ ghən nə ghə ka ghə kam ji. Â loʼ nə̀ ghə ka kam ghəŋə soʼo ghə i dzuŋu i loʼ zə nkee ghə i bəbə zə. Zə̀ kə â ghəŋə sey ni dii bə nə̀ jìi zey tə sàynə ghə̂ a wi ghə tii.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

Roma 7:25

N kee fuu kəzɔŋŋə K-a-zə̀ tə bəghəshinə mə n bam i Yeso Klisto tə loʼnə Mûkəbii saa. Ghaa koʼonu jìi zey n loʼnə nya tii ə? N fə̀ŋ zuŋ, n ndzəmə ləghənu ni naŋŋə laŋ u Kəzə̀, à kee loʼ nə̀ nghee n ghəŋŋənə ghəə ghey vən fə uwû fuŋ fə ləghənə, mə n doʼ kɔd kə tə bəb zə.

Roma 7:23

A kee loʼ nə̀ n bə keeli shi kɔʼ nə̀ laŋ kə nuu kə loʼ n kow mə kə zuulə ballənə ghi laŋ kən n gaʼnə fə̀ŋ zuŋ tii. Laŋ kə tii kə ghəŋŋə nə̀ n doʼo kəkɔd tə bəb zən i fwaʼanə n kow mə.

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Roma 3:26

Zə̀ kə ma kə̂ bayyə naŋa nəŋə zey tə i tum bənə Yeso ti, sey tən kow kə fə̀ŋ. Zə̀ kə â ghəŋə sey ni dii bə ghə̂ ghə adzəm nə̀ tə loʼ tsətsəghə. Nghee tə loʼ tsətsəghə, a loʼ wi tə ghəŋŋə soʼo nə̀ ghə̂ ghey ghə bəghəmnə tə Yeso i loʼ tsətsəghə.

Roma 9:31

Ghə̂ ghə Izree ghey ghə â kee dəmənə ni doʼo tsətsəghə n sə K-a-zə̀ n bam i kəlaŋ, n dza ghə n dəm kìi ə?