Roma 3:25 - Kaa n Kəzə̀ n fəghə mə

²⁵ Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

Roma 3:25 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Kəfwaʼ 14:16

Sə̂ i sə, Zə̀ kə â zəghə maʼa tsu naʼa tədzəm fa mbi, nə̀ kay wù i ghəŋŋə ndow ghəə ghey a kpiilənə tə̀ wi.

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 3:18

À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Kəfwaʼ 4:28

Ghə â təmdzəŋi bə ni maŋ ghəŋə ghəə ghey wə â khə bayyə naŋa dzənə n daʼa kə nsə n ləghə zə nə̀ a khə ni bə shi.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Roma 3:26

Zə̀ kə ma kə̂ bayyə naŋa nəŋə zey tə i tum bənə Yeso ti, sey tən kow kə fə̀ŋ. Zə̀ kə â ghəŋə sey ni dii bə ghə̂ ghə adzəm nə̀ tə loʼ tsətsəghə. Nghee tə loʼ tsətsəghə, a loʼ wi tə ghəŋŋə soʼo nə̀ ghə̂ ghey ghə bəghəmnə tə Yeso i loʼ tsətsəghə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 5:11

A kad way kə sey, Zə̀ kə ghəŋə nə̀ saa i duʼlə n bam i Mûkəbii saa Yeso Klisto, tə ghəŋənə nə̀ saa i loʼ nə kəfə kəmɔʼ ghi Zə̀ kə.

Roma 5:18

Nghee tə i loʼ nə̀ à loʼ ghə i bəbə zən imɔʼ i ghəŋənə nə̀ Zə̀ kə dza nə̀ aghə̂ adzəm n bwu saʼ, a loʼ soʼo ighələ ghə i dzuŋu zən imɔʼ Klisto â ghəŋənə i ghəŋənə nə̀ aghə̂ adzəm a doʼo tsətsəghə n sə K-a-zə̀, ghə keeli soʼo muu zən i nə may way.

Roma 5:9

Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

1 Kɔrint 5:7

Ghaa khə ni teeli sòw maʼa ghəə a bəbə ghən a loʼnə tə a loʼ mbvuŋ i wey zə n fəŋŋə kə ghaa tə̀ ghaa zow doʼo bə tə a loʼ baa kə fəghə kən mbvuŋ way tii. Saa ndzəm loʼ baa kən mbvuŋ way tii n təŋkey ghə mâ sâa Klisto tə a loʼ waa njì ə zə̂ kə Taa zaʼa kə n tow u saa.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 2:13

À kee loʼ nə nghee ghaa loʼnə nə kəfə kəmɔʼ ghi Yeso Klisto, ghaa ghən ghaa â lɔʼlə loʼnə, ghaa n kuʼlə doʼo bə nyisa n səə Kəzə̀ n bam i kaŋ tə Klisto.

1 Timoti 1:15

Ghɔɔmə zən nə̀, “Yeso Klisto â bə fa n mbi ni bə bəghəshi ghə̂ a bəbə ghə.” Loʼ isəŋə, saa khə ni ndzəm ney ghɔɔmə i tii zə, saa bəghəm soʼo. Mə â ney kəsə n ghə̂ ghən adzəm ghə ghəŋŋənə ghəə a bəbə ghə.

Hibru 10:4

I loʼ sey n təŋkey, kaŋ tə mbɔŋ nsə kaŋ tə ji tey ghə fəələnə, way ni sow maʼa ghəə a bəbə ghə.

Hibru 11:14

Ghə̂ ghən ghə dza ndzoʼo ghəə ghən dii bənu n mgbaŋ nə̀ à loʼ ghə̂ ghey ghə kəŋənə naʼ zey i loʼnə nə̀ à loʼ i ghə zə.

Hibru 11:17

À loʼ bəghəm i fə̀ŋ zə â ghəŋənə nə̀ Abraham fuu waa wi Ayzik tə a loʼ umaʼlə tə̀ Zə̀ kə nghee Zə̀ kə â mɔm koʼonə wi. Wù mɔʼɔ wən Zə̀ kə â təb naŋanə wi n waa a waa ghə n ndəm, tə n tey tən ni fuu ndow sɔʼi fə waa wi tə̀ Zə̀ kə tə̀ a loʼ umaʼlə.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

Hibru 9:5

Ghə n bɔm nyaʼa naŋa kɔʼ fə u loʼ wə fu n tow k-a-tətaalə, u khənə ghaw tə ghə tɔŋŋənə nə̀ à loʼ təcherubim tə dii tsunə nə̀ Zə̀ kə loʼnu fu. Ghaw tə cherubim tən â tsəd keeli bə dzəə k-a-tətaalə kən n luʼu key Zə̀ kə neyzəənə ghəə a bəbə ghə tii. Ghey kee way ni tɔʼ tiilə may bə dzə ghəə a tii ghə tə̀ ghaa nya.

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 20:15

Wù wey zəd i wi zə â way n màʼlə key ghə tɔ̀ɔ naŋanə zəd a ghə̂ ghey ghə i keelinə muu zə itsali zə, ghə n ney maʼa nyi tsu ndow ghə n nyî zə uvələ.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.