Roma 3:21 - Kaa n Kəzə̀ n fəghə mə

²¹ Zə̀ kə n kee dii bə jìi zey i ghəŋŋənə nə̀ ghə̂ a doʼo tsətsəghə n sə kə wi. Jìi zən dii bə nə̀ wù doʼlə way tsətsəghə n sə K-a-zə̀ a dza tə naŋŋə kəlaŋ, nghee i buʼ loʼ kə nə̀ laŋ kə Mushi nsə tûm tə Kəzə̀ tə mâ tiilə dza ghəə ghə bòʼ jii tii.

Roma 3:21 ပူးပေါင်းရင်းမြစ်များ

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 15:11

Saa mgbaŋ khənu nə̀ à loʼ ndzuŋ ə Mûkəbii Yeso i ghəŋŋə nə̀ saa keeli ibəghəshi ighələ tə ghə̂ ghən ghə way ghə̂ a Təjuu a keelinə bəghəshi zə.”

Kəfwaʼ 26:22

Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

Roma 1:2

Tûm i dzuŋu zən n naʼlənə loʼ i zən Zə̀ kə â təb naŋanə, ghəŋə soʼo nə̀ tûm tə wi tɔ̀ɔ naŋa n màʼlə kə wi.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 3:28

Saa n tɔʼ koʼ nə̀, à may kə n bəghəm i fə̀ŋ zən wù khənə n kow Yeso, i ghəŋŋənə nə̀ tə doʼo tsətsəghə n sə K-a-zə̀, à way dzə nə̀ tə tɔʼɔ bwey tə laŋ kə diinə.

Roma 5:19

Nghee i loʼ nə̀ wù umɔʼ a tuu ni zow tə Zə̀ kə, ndəmə aghə̂ n doʼo bə ghə̂ a bəbə ghə. N jii i mɔʼɔ zə, wù umɔʼ tə â zownə tə̀ Zə̀ kə, i ghəŋŋənə nə̀ ndəmə aghə̂ doʼo bə tsətsəghə n sə K-a-zə̀.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 3:9

Abə laŋ kən kə i ghəŋŋənə nə̀ ghə̂ a kpuulə loʼ ni nyiəllə, i sey dii nə̀ kə kən kə ghəŋŋənə nə̀ ghə̂ a doʼo tsətsəghə i nyiəllə tsəghəshiənu.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

1 Pita 1:10

 loʼ bòʼ bəghəshi zən tûm tə Kəzə̀ tə â ney kɔʼ nəŋə zə, ni tɔʼ kəŋ shi kɔʼ, ghə n dza naŋa zey bə nghee Zə̀ kə i dii ndzuŋ ə wi tii tə̀ ghaa ghən ghaa loʼ nə̀ ghaa n bwu khə̂mə.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.