Roma 3:11 - Kaa n Kəzə̀ n fəghə mə

¹¹ Wù umɔʼ way dzə tə zowkeelinə ghəə zey Zə̀ kə ləghənə nə tə ghəŋə, Nkee tə ndzəmə ləghənə ni keeli Kəzə̀.

Roma 3:11 ပူးပေါင်းရင်းမြစ်များ

Matyo 13:19

Ghə̂ ghey ghə zownə ghɔɔmə i fɔɔ u Kəzə̀ wə, ka zowkeeli, vəətsəə ghə n bə bəkeeli nuu kɔʼ ghəə ghey ghə zəllə naŋa n fə̀ŋ tə ghə. Ghə sey loʼ tə a loʼ ndzoʼ tey tə â tsɔʼlənə nə təmbwu.

Roma 1:22

Ghə fəd doʼo kɔʼ ghə̂ a laʼlə, kee khə kə nə̀ ghə tɔbənu.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 3:10

I tɔ̀ɔ doʼo n màʼlə K-a-zə̀ nə̀, “Wù umɔʼ way dzə tə loʼnə tsətsəghə n sə K-a-zə̀, Umɔʼ ngəmsə way dzə.

Roma 3:12

Aghə̂ adzəm n tuu maʼa Zə̀ kə. Ghə adzəm n doʼo bə fə u kənunu n sə K-a-zə̀. Wù umɔʼ tsəm way n fəŋŋə kə ghə tə ghəŋŋənə ghə i dzuŋu zə, Umɔʼ ngəmsə way dzə.

Roma 8:7

I loʼ sey n təŋkey, ghə̂ ghey fə̀ŋ tə ghə tə loʼ tən kə n ghəə ghey gow uwû ləghənə, ghə loʼ tən tsə kə ghə̂ a təngəmə a Kəzə̀. Ghə naŋŋə way laŋ u Kəzə̀ wə. Ndzəm ndzəm, ghə naŋŋə way laŋ u tii wə abə ghə mə buʼu ləghə kə ni naŋa.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.