Roma 2:8 - Kaa n Kəzə̀ n fəghə mə

⁸ A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

Roma 2:8 ပူးပေါင်းရင်းမြစ်များ

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

Roma 9:22

N jii i mɔʼɔ zə, nghee Zə̀ kə tsəm khə kə nə daʼa kə ni dii nəghə u wi u fəə wə tə dii soʼo daʼa kə wi, tə u tsəm kɔʼnə ni kow fə̀ŋ ghi ghə̂ ghey ghə ghəŋŋənə nə̀ tə i fəələ n nəghə wə, nə̀ a loʼ aghə̂ nə̀ i mə kpi ni buʼ ləŋi maʼa ghə.

1 Kɔrint 11:16

Wù wey tə way ni bəghəm ghəə ghən n dzanə, ghey, nkee dzəŋi u dzûmə tə Klisto u kəm khə way ghə i loʼ zə ni kuu kpiʼi n jìi zey ghə loʼ ni kɔʼlə Kəzə̀ tii.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Galeshia 5:20

ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

Filipi 1:17

Ghə̂ a loʼ ghey naʼlə dzə way tûm bòʼ Klisto n fə̀ŋ i dzuŋu zə, n təŋkey ghə ləghə nə̀ ghə̂ ghə i dzûmə bə ghə, moʼlə kə nə ghə kuu kpiʼi chɔd wuŋ nghee n loʼnə n ndaw tsaʼ.

Filipi 2:3

Kə̂ ghaa nə̂ ghəŋənə ghəə ghə nə̀ ghaa moʼlə tsu kə wû i ghaa, nkee ni maŋ dii iwû. I fəd khə na ngɔɔmə zə, koʼo ndow na ghə̂ a loʼ ghə tə a loʼ ghə̂ ghey ghə tsəghəshinə ghaa.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

Taytus 3:9

Kə wə nə bweynə fə wə ghi ghə̂ ghey ghə ləghənə ni fəə dzuu ghə n laʼlə tə aghəə, a ghey ghə ləghə ni taŋŋə wey tə n zəd a ghə̂ nə̀ ghə mâ kpu tsəghə. Kə wə nə bəghəm naŋŋə soʼonə ghəə ghey ghə zuulə zeelinə bòʼ laŋ kə ghə̂ a Təjuu n təŋkey, ghəə a tii a tsəə way, gaamə soʼo way n ghə i loʼ zə.

Hibru 10:27

Abə saa ndzəm ghəŋə tsunə bəb zə sey, saa i bɔɔmə ləmmə tənə kə tsuʼ fey Zə̀ kə i saʼanə mbi tii nə itsəŋ, tsəŋə soʼo faalə kə uvəllə key kə i bə ləŋi maʼanə ghə̂ a təngəmə a wi ghə.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

Jems 3:16

I loʼ nə̀, luʼu key ghə̂ a kəghoʼ a loʼnə fu tii nsə ghə̂ ghey ghə khənə sə̂ a shiə ghə, fwɔd kə n loʼ soʼo fu nsə ndəmə ghəə a bəbə ghə.

1 Pita 3:1

Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.

Chi dii 16:19

Naʼ i nii zey n dzawwə doʼo tsu nə ubad utəghə, ghə n saʼa maʼa tsu soʼo luʼu tə nii tə nə tənaʼa tədzəm. Zə̀ kə n moʼlə bə Babilɔn u nii wey, ghəŋə tsu nə̀ tə mə̂ nlə n wɔɔ wi. N wɔɔ tii, â luu doʼo tən kə nlə mey n loʼnə nəghə u wi u fəə wə.