Roma 2:7 - Kaa n Kəzə̀ n fəghə mə

⁷ Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 2:7 ပူးပေါင်းရင်းမြစ်များ

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Lukas 21:19

Bə ghaa kwu tawwə tsunə fə̀ŋ tə, ghaa nə keeli ibəghəshi.

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Tùm i dzuŋu zə kuum Yeso Klisto tə Jɔn â tɔɔnə 4:36

Ghə tsəə dzɔbənu wù wey tə kpey fənənə fəzəə wə, fəzəə wey ghə ney fənə bənə loʼ aghə̂ ghə ney bənə n muu zə itsali. Sey nə̀, wù wey tə zəghə naŋanə nsə wù wey tə kpey fənənə, ghə i duʼlə dzəŋi.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Roma 2:10

Abə ghə̂ ghən adzəm ghə ghəŋŋənə ghəə a dzuŋu ghə, Zə̀ kə i kɔʼlə ghə n fwaʼ kə ghə, tə naamə ghə, tə ghəŋə soʼo nə̀ fə̀ŋ tə ghə tə i loʼ nə ibuulə. Tə i zey tsu n kow ghə̂ a Təjuu ghə isə, tə sə ndow n kow ghə̂ ghən ghə way ghə̂ a Təjuu ghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

Roma 9:23

Zə̀ kə â dii sî i wi i kwɔɔlə zə tə̀ ghə̂ ghey tə â sàynə, ghəŋə nə̀ ghə keeli kɔʼlə n wi ni ghəŋə nə̀ aghə̂ adzəm a keeli nə̀ tə ngii khə sî i kwɔɔlə zə.

1 Kɔrint 15:42

À wən bɔɔmə loʼ tə zə i loʼnə tii abə Zə̀ kə i zhəm dzəŋŋə bənə ghə̂ ghə nə ivə. Abə ghə tsəllə tsunə vən i wù zə, tə fwaynu, abə Zə̀ kə i kee zhəm nuu dzəŋŋə bənə ghə̂ ghə nə ivə, ghə nə kəm fway way.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

Hibru 2:7

Wə â bɔm wù nə̀ tsətəndəghə tə Kəzə̀ tə nyaŋ təd tsəghə kɔʼ wi n kəmə fə inəŋə, Wə n fuu tsu wù n daʼa wə nsə kɔʼlə mə.

Hibru 6:12

Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.