Roma 2:25 - Kaa n Kəzə̀ n fəghə mə

²⁵ Ni ndzəm səghə kətyi, loʼ abə wə bweynə nghee tə̀ laŋ kə Mushi kə diinə. Abə wù tii kee bwey way nghee tə laŋ kə diinə, tyi kə səghə key maŋ loʼ kənunu.

Roma 2:25 ပူးပေါင်းရင်းမြစ်များ

Kəfwaʼ 7:51

Sətifən n ndow n sə kə dza nə̀, “Ghə̂ a taw a kətow ghən! Ghaa bɔɔmə khə kə fə̀ŋ tə ghə̂ ghən ghə ka bəghəm tə Zə̀ kə, ləghə soʼo way ni zow isəŋə. Ghaa baa ni tuu maʼa ghəə ghey Zay kə Zow kə dzanə. Ghə bày bày a ghaa â ghəŋŋə tsə sey, ghaa bɔɔmə loʼ soʼo sey.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Roma 2:23

Ghaa ghaŋŋə iwû nə̀ ghaa khə laŋ K-a-zə̀, ghaa a naŋŋə way laŋ kə tii kə. À sey way tow kə dədlə kə ghaa ney bənə tə Zə̀ kə ə?

Roma 2:26

Abə wù wey tə way wù Juu bweynə nghee tə Laŋ K-a-zə̀ kə diinə nə̀ ghə ka bùʼ səghə tyi kə wi kə, Zə̀ kə i ney wi ighələ ghi wù juu wən ghə səghə dzənə tyi kə wi kə.

Roma 2:27

I sey diinə, wù wən tə way wù juu, tə naŋŋənə laŋ u Kəzə̀ wə loʼnu ni saʼ ghaa n təŋkey, ghaa naŋŋə way laŋ u Kəzə̀ wə, loʼ sey nə̀, à mgbaŋ khə ghaa ghəə ghey a tɔ̀ɔ doʼonə nə kəlaŋ, ghaa a loʼ soʼo nə̀ ghə n tyi u ghaa u səghə.

Roma 2:28

I loʼ nə̀, wù tɔʼ way kə wù Juu abə tə loʼ nə̀ ghə n tyi kə wi kə səghə tə laŋ kə diinə n təŋkey, ni ndzəm səghə kətyi maŋ way kə ni səghə maʼa kɔʼ gow uwû.

1 Kɔrint 7:19

I loʼ sey n təŋkey, abə wə səghənə tyi kə kə̀ mɔ wə ka səghə, Zə̀ kə ney way n taŋ. Ghəə zey Zə̀ kə baa neynə n taŋ loʼ nə̀ wə i naŋŋə laŋ u wi wə.

Galeshia 6:13

Wû i ghə̂ ghən ghə loʼ nə ghə n səghə tyi u ghə wə, ghə naŋŋə way laŋ kə, ghə kee ləghə kə nə ghaa səghə tyi u ghaa, sey nə̀ ghə i ghaŋŋə wû zə nə̀ ghaa n bəghəm fu tə ghə.

Galeshia 6:15

Tə ghə səghə tyi kə kə̀ nkee ghə ka səghə, kweyyə kə loʼ way dzə n sə K-a-zə̀. Isəŋə loʼ kə nə̀, saa doʼo bə ghə̂ a fəghə ghə.