Roma 2:20 - Kaa n Kəzə̀ n fəghə mə

²⁰ Ghaa dii ghə̂ ghey ghə khə way ghəə a Kəzə̀ ghə, dii soʼo ghə̂ ghey ghə ka kam beyyə n ghəə a Kəzə̀. Ghaa moʼlə nə̀ nghee ghə khə dzənə laŋ kə Mushi kə, ghaa khə may aghəə adzəm, ghaa way ni ghəŋə soʼo ghə i loʼ zə nə̀ à way isəŋə.

Roma 2:20 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Roma 2:19

Ghaa khə nə̀ ghaa loʼ ghə̂ ghey ghə talinə ghə̂ a fəbə ghə, loʼ kədaa tə ghə̂ ghən ghə loʼnə nə kələm.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

1 Kɔrint 3:1

Waazə ghə, mə â way dzə ni ghɔɔmə tə̀ ghaa tə̀ n ghɔɔmənə tə̀ ghə̂ ghey Zay kə Zow kə loʼnə n kow ghə. Mə â fəd khə ni ghɔɔmə tə̀ ghaa tə̀ a loʼ ghə̂ ghey ghə nam loʼnə n muu i mbi zən, loʼ soʼo tə à loʼ aghinətəghə n bəghəm i fə̀ŋ i ghə n kow Klisto.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

2 Timoti 3:5

ghə nə nəŋŋə ghəŋŋə nə̀ ghə loʼ ghə̂ a Kəzə̀, kee tuu maʼa daʼa key kə loʼ ni ghəŋə ghə nə̀ ghə doʼo ghə̂ a Kəzə̀. Kə wə nə keeli ghə i loʼ zə ni ghəŋə ghi ndzoʼo ghə̂ ghən.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Hibru 5:13

Wù wən tə nam nyɔŋɔnə ghii zə, tə sey nam loʼ tə̀ a loʼ waa, tə ka kam tɔʼ keeli dzə ghəə zey i ghəŋŋənə nə̀ tə doʼo tsətsəghə n sə̂ K-a-zə̀.

Jems 3:1

Waazə ghə, kə ndəm ə ghaa nə mbuŋŋənə ni doʼo ghə̂ a dii ghə, n dzəŋi kə dzûmə tə Klisto, n təŋkey, ghaa khənu nə Zə̀ kə i saʼa ghey ghən ghey diinə tsəghəshi ghə̂ a loʼ ghən.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.