Roma 2:13 - Kaa n Kəzə̀ n fəghə mə

¹³ I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Roma 2:13 ပူးပေါင်းရင်းမြစ်များ

Lukas 18:14

Yeso n dza tə ghə nə̀, “Â way dzə wù Falasi, â fəd loʼ wù kwɔɔ u kəmàʼlə wən tə â loʼ tsətsəghə n sə kə Kəzə̀. Kuum nə̀, abə wù ney kɔʼlə naŋŋə kɔʼnə wû u wi wə, tə i keeli way ngɔɔmə zə, abə wù fəd zûŋ tsunə wû u wi wə, tə n fəd bə keeli ingɔɔmə, ghə n ney kɔʼlə naŋa kɔʼ wi.”

Lukas 8:21

Yeso n beeli dza ndòw tə̀ ghə nə̀, “Nay wûŋ ghi waazə ghûŋ a lòʼ ghə̂ ghey ghə zownə ghɔɔmə i Kəzə̀ zə̀, ghəŋə ndòw ghə zey i dzanə.”

Tùm i dzuŋu zə kuum Yeso Klisto tə Jɔn â tɔɔnə 13:17

Nya wən ghaa khənə isəŋə zən, Zə̀ kə i fuu ghaa n buulə zə abə ghaa dii ndow isəŋə i tii zə n ghəə a ghaa a ghəŋŋə ghə.”

Kəfwaʼ 13:39

Sey, ghə̂ ghey adzəm ghə bəghəmnə tə wi, ghə i doʼlənu tsətsəghə n sə K-a-zə̀, loʼ sey nə̀ ghə â way ni doʼo tsətsəghə n sə kə K-a-zə̀ a dza ghə naŋŋə laŋ kə Mushi.

Roma 10:5

Mushi mâ tɔ̀ɔ naŋa jìi zey wù doʼlənə tsətsəghə tii n sə K-a-zə̀ a dza tə naŋŋə kəlaŋ. Tə â tɔ̀ɔ nə̀, “Wù wey tə naŋŋənə laŋ kə nə̀ tə ka nɔʼ n ghə i loʼ zə, laŋ kə i ghəŋŋə wi nə̀ tə muu.”

Roma 2:25

Ni ndzəm səghə kətyi, loʼ abə wə bweynə nghee tə̀ laŋ kə Mushi kə diinə. Abə wù tii kee bwey way nghee tə laŋ kə diinə, tyi kə səghə key maŋ loʼ kənunu.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 3:23

I loʼ nə̀, aghə̂ adzəm n ghəŋŋə bəəbə n sə K-a-zə̀, sey, ghə ka kəm kɔʼ kpii dzə ni ghəŋə ghəə zey Zə̀ kə loʼ ni kali ghə tii.

Roma 3:30

Zə̀ kə loʼ kə kəmɔʼ, à loʼ wi tə ghəŋŋənə nə̀ ghə̂ ghən ghə loʼnə ghə̂ a Təjuu ghə, ghə doʼo tsətsəghə n sə kə wi n bam i bəghəm i fə̀ŋ zey ghə khənə n kow Yeso, ghəŋŋə soʼo nə̀ ghə̂ ghən ghə way ghə̂ a Təjuu a doʼo tsətsəghə n sə kə wi n bam i bəghəm i fə̀ŋ i mɔʼɔ zə.

1 Kɔrint 4:4

N way ni moʼlə dzə ghə i loʼ zə n loʼ nə̀ mə n ghəŋə bəəbə. I zən kee dii dzə way nə̀ n khə way bəb i loʼ zə. À may kə Mûkəbii tə i saʼanə mə, tə dza nə̀ n khənu bəb zə mɔ n khə way ə.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 3:7

Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.