Roma 2:12 - Kaa n Kəzə̀ n fəghə mə

¹² Ghə̂ ghən ghə ghəŋŋə ghəə a bəbə ghə lo sey nə̀ ghə khə way laŋ kə Mushi kə, Zə̀ kə i chɔdlɔ ghə n bəb zey ghə gheŋŋənə, nghee ghə tsəm bùʼ khə kə way Laŋ kə Mushi kən. A kee bə ghə̂ ghən ghə ghəŋŋənə ghəə a bəbə ghə nə̀ ghə khənu laŋ kə Mushi kə, Zə̀ kə i saʼa ghə nə̀ tə dzûmə kəlaŋ.

Roma 2:12 ပူးပေါင်းရင်းမြစ်များ

Matyo 11:22

N fa dza n kee dza bə tə̀ ghaa nə̀, abə tsuʼ fə saʼa fə təsaʼ fə i bənə, Zə̀ kə î kwɔɔlə way sî zə n kow ghaa tə̀ tə i kwɔɔlənə n kow naʼ i Tayra zə nsə naʼ i Sidɔn zə.

Matyo 11:24

N dza n kee dza bə tə̀ ghaa nə̀, n tsuʼ fə təsaʼ, Zə̀ kə i kwɔɔlənu sî n kow naʼ i Sodom zə tsəghəshi nghee tə i kwɔɔlənə sî zə n kow ghaa.”

Tùm i dzuŋu zə kuum Yeso Klisto tə Jɔn â tɔɔnə 19:11

Yeso n beeli ndow wi nə̀, “Wə way ni keeli kədaʼa n kow mə nə̀ kə ka shi tsu bə n wɔ Zə̀ kə idəŋ kə. À kee loʼ nə̀ a dow tsəghə bəb i wù wey tə ney fu shi bə mə tə̀ ghaa.”

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Roma 1:32

Ghə mgbaŋ khənu nə̀ laŋ K-a-zə̀ kə dza nə̀ ghə̂ ghən ghə ghəŋŋə ndzoʼo ghəə ghən, kpii ni kpu. Ghə u nam ndow kə n sə̂ kə ni ghəŋŋə ghəə ghən, təmə tawwə ndow soʼo ghə̂ a loʼ ghə nə ghə i ghəŋŋə soʼo ghəə a tii ghə.

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

1 Kɔrint 9:21

Ambə n loʼ ghi ghə̂ ghey ghə way n tənə laŋ kə Mushi, mə n muu soʼo tə n way n tənə laŋ kə Mushi, sey nə̀, n loʼ ni kwu zə̂ bə soʼo ghə tə Klisto. Abə n ghəŋŋənə sey, i dii dzə way nə̀ n naŋŋə way laŋ u Kəzə̀ wə. Isəŋə loʼ nə̀ n loʼ n tənə laŋ kə Klisto.

Galeshia 3:10

Zə̀ kə i ləŋə naŋŋə ghə̂ ghən ghə muunə nə ghə naŋŋə kəlaŋ, n təŋkey i tɔ̀ɔ doʼo n màʼlə K-a-zə̀ nə̀, “Zə̀ kə i ləŋə naŋŋə wù wey tə ka naŋa laŋ wən u tɔ̀ɔ doʼo n màʼlə k-a-laŋ udzəm.”

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Jems 2:10

Wù wey tə tsəm naŋa may tsu kənə laŋ wə udzəm, kee bwu tsu kə kəmɔʼ, tə sey bwu dzə ulaŋ udzəm.