11 I loʼ sey, tənkey, Zə̀ kə saʼa way ghə̂ ghə nə̀ tə laalə ndow tûm usə u wù.
Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.
Tsi tey n dza ndow tə Yeso nə̀, “Wu dii wə, a khənu nə ghɔɔmə zə nsə dii zə i bɔɔmə loʼ tən tsətsəghə. Wə saʼa nə̀ wə fu way tûm usə̂ wə tə wù loʼ, wə bɔɔmə dii kə isəŋə bòʼ ghəə ghən Zə̀ kə ləghə nə̀ ghə̂ a keeli.
Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,
Saa loʼ ni dza tsu nə ngee nya? À loʼ nə̀ Zə̀ kə badlanu kpey wə ə? Ngaŋ! À ndɔm way dzə sey.
Ghə̂ ghey ghə â loʼ tə a loʼ təngəd fu, ka tsəm kuu kpiʼi ghəə i loʼ zə n tûm zuŋ. N ghəə ghən maŋ dzanu, bùʼ key ghə khənə ghii kə, khə way ghə i loʼ zə ni ghəŋə ghi mə, n təŋkey, Zə̀ kə saʼa dzə way wù nə tə laalə ndow tûm usə u wi.
Ghaa ghən ghaa khənə ghə̂ a kəfwaʼ ghə, ghaa khə ni bɔɔmə muu soʼo sey ghi ghə̂ a kəfwaʼ a ghaa ghə. Kə̂ ghaa nə̂ biinə ghə. Keeli tsu na nə̀ ghaa ghi ghə̂ a kəfwaʼ a ghaa ghə, ghaa dzəŋi loʼ ghə̂ a kəfwaʼ n tənə Mûkəbii wən tə loʼnə idəŋ. Tə saʼa aghə̂ adzəm ighələ, badla way kpey wə.
Abə wù wey tə ghəŋŋənə bəb zə, Zə̀ kə i tsəə dzəŋŋə soʼo wi n ndzoʼo bəb zey tə ghəŋənə, n təŋkey, Zə̀ kə saʼa aghə̂ nə tə nyaŋŋə way tûm usə u wù wə.
Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.