Roma 2:1 - Kaa n Kəzə̀ n fəghə mə

¹ Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

Roma 2:1 ပူးပေါင်းရင်းမြစ်များ

Lukas 12:14

Yeso n beeli ndòw wi nə̀, “Â towbəghə a fu ndee mə n daʼa kə tii kə nə n doʼo wù wey n saʼanə nkee n dzaw fuunə fə u ghaa wə?”

Lukas 19:22

Dəŋ key n dza, ‘Wə loʼ wù kəfwaʼ u bəbə wə, mə i saʼa kə wɔ n ghɔmə zey i shi bə n dzuu zə. Wə a khənu nə n loʼ wù taw n wɔɔ ghə, ney ufə nə a ka mə naŋa, kpey soʼo nə n ka zəghə

Lukas 6:37

Kə ghaa nə saʼabəəbənə ghə̂ ghə, n təŋkey Zə̀ kə i saʼa bəəbə soʼo ghaa. Kə ghaa nə tsəʼlənə saʼ n kow ghə̂ a loʼ ghə təŋkey Zə̀ kə i tsəʼlə saʼ soʼo n kow ghaa. Ghaa khə ni neyzəə ghəə a bəbə ghey ghə ghəŋənə tə ghaa, Zə̀ kə i neyzəə soʼo ghəə a ghaa a bəbə ghə.

Roma 14:22

Ghəə zey wə bəghəmnə tii kuum ghəə ghən, i doʼotsu kə ghi wɔ nsə Zə̀ kə. Buulə i loʼ tə wù wey fə̀ŋ ə wi fəmmə way wi abə tə ghəŋŋə ndownə ghəə zey tə khə nə̀ i kpiinu.

Roma 2:2

Saa khənu nə̀ jìi zey Zə̀ kə saʼanə ghə̂ ghey ghə ghəŋŋənə ndzoʼo ghəə a bəbə ghən kpiinu.

Roma 2:3

Wɔ wən wə saʼanə ghə̂ a loʼ ghə, loʼ sey nə̀ wə ghəŋŋə soʼo ndzoʼo ghəə a tii ghə, wə kee moʼlə nə̀ wə i nɔbə shiə ngee, abə Zə̀ kə i saʼanə ghə̂ ghə ə?

Roma 3:9

Saa loʼ ni dza tsu nə ngee nya a? Saa moʼlə nə̀ saa ghə̂ a Təjuu, saa loʼnu tsətsəghə n sə K-a-zə̀ tsəghəshi ghə̂ ghey ghə way ghə̂ a Təjuu ə? Ngaŋ! Mə n khə dii nə̀ saa ghə̂ a Təjuu nsə ghə̂ ghey ghə way ghə̂ a Təjuu ghə, saa dzəŋi khə təmoʼlə ni ghəŋŋə ghəə a bəbə ghə nəŋə tədzəm.

Roma 9:20

À kee loʼ nə̀ wù loʼ way dzə tə khənə daʼa kə loʼ kə ni ghɔɔmə ballə ghi Zə̀ kə. Ghaa moʼlə nə̀ ndzəŋ fə loʼnu ni bəb ndow tə̀ wù wey tə bɔmnə ndzəŋ fə tii fə nə̀, “À loʼ kee wə bɔmnə mə n jii i zən ə?”

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

1 Kɔrint 7:16

Wɔ weyzən wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi num wə ə? Nkee wɔ weynum wən wə loʼnə dzûmə Klisto, wə khə way nə̀ a loʼ ni loʼ wɔ ni bəghəshi wey wə ə?

Jems 2:20

Laʼlə k-a-fə kən! Wə ləghə nə̀ n dii bə tə wɔ nə̀ abə wə khənə bəghəm i fə̀ŋ zə nə̀ wə ghəŋŋə ndow way ghə̂ a dzuŋu, bəghəm i fə̀ŋ i tii i maŋ loʼ kənunu ə?

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.