Roma 16:7 - Kaa n Kəzə̀ n fəghə mə

⁷ N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

Roma 16:7 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 14:20

A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

Roma 16:10

Tɔŋɔ zowtsu na Apeles wən tə dii shi bənə nə̀ tə n ndzəm bəghəm tə̀ Klisto. Ghaa tɔŋɔ zow ndow ghə̂ ghey n ndaw Aristobulus.

Roma 16:11

Tɔŋɔ zow ndow waazə wuŋ tɔŋŋə Herodion. Ghaa tɔŋɔ zow ndow dzûmə tə Klisto tey n ndaw Nasisus.

Roma 16:21

Timoti wən tə fwaʼa dzəŋinə ghi mə tûm bə tɔŋɔ zow i wi tə ghaa. Ighələ tə Lusiɔs, Jason nsə Sosipata, ghə loʼnə waazə ghuŋ ghə, tɔŋŋə zow bənə.

Roma 16:3

Tɔŋɔ zow ndow n na Prisila nsə Akwila. Ghə fwaʼa dzəŋi fwaʼ kə Yeso Klisto kən ghi mə.

Roma 16:6

Ghaa tɔŋɔ zow ndow Maria, tə ngii fuu nyi ndownə wû u wi wə ni fwaʼ tə ghaa.

Roma 16:8

Tɔŋɔ zow ndow n na Ampliatus. Ghey ngii ləghə wû i ghey bòʼ Mûkəbii.

Roma 16:9

Tɔŋɔ zow soʼo Obanus wən tə fwaʼa dzəŋinə fwaʼ kə Klisto ghi saa nsə wù fə wuŋ u dzuŋu wə Stachis.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 9:3

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 12:2

N khənu wù loʼ tə â bəghəmnə tə̀ Klisto, a nya loʼ tənum ighəm n num tə təkaykə, ghə n ney nuu kɔʼ ndòw wi idəŋ. N kee way ni dza nə̀ â loʼ n wû u wi nkee â loʼ n zay kə wi. À khə kə Kəzə̀.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 1:22

 loʼ n nəŋə i tii zə nə̀ ghə̂ a dzəŋi u dzûmə tə Klisto wey n mboʼo Judeya, ghə bəghəmnə tə Klisto, kam khə way mə.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 2:6

Ghə̂ ghey ghə â loʼ tə a loʼ təngəd fu, ka tsəm kuu kpiʼi ghəə i loʼ zə n tûm zuŋ. N ghəə ghən maŋ dzanu, bùʼ key ghə khənə ghii kə, khə way ghə i loʼ zə ni ghəŋə ghi mə, n təŋkey, Zə̀ kə saʼa dzə way wù nə tə laalə ndow tûm usə u wi.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Galeshia 6:15

Tə ghə səghə tyi kə kə̀ nkee ghə ka səghə, kweyyə kə loʼ way dzə n sə K-a-zə̀. Isəŋə loʼ kə nə̀, saa doʼo bə ghə̂ a fəghə ghə.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 4:10

Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.

Filemun 1:23

Epafras wən tə loʼ dzəŋinə fa n ndaw tsaʼ ghi mə bòʼ Yeso Klisto tɔŋŋə zow bə ghaa.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.