Roma 16:5 - Kaa n Kəzə̀ n fəghə mə

⁵ Tɔŋɔ zow ndow n na dzûmə tə Klisto tey tə nyiənə n ndaw ghə. Ghaa tɔŋɔ zow ndow soʼo wù fə wuŋ u dzuŋu wə tɔŋɔ Epenetus. Â loʼ wi wù sə̂ isə̂ n mboʼo Eshya ni bəghəm tə Klisto.

Roma 16:5 ပူးပေါင်းရင်းမြစ်များ

Matyo 18:20

Bòʼ nə̀, luʼu key ghə̂ a zuŋŋə doʼonə abəghə nkee atəghə n zəd zuŋ, mə n loʼ fu n fəŋŋə kə ghə.”

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 18:27

Ambə Apolos ləghənə ni daŋ nə Akaya, dzûmə tə Klisto tey n Efesus n kuu fə̀ŋ ə wi nə tə ndow. Ghə n tɔ̀ɔ ndow kəmàʼlə tə dzûmə tə Klisto tey fu, nə̀ ghə ney naŋa wi. Ambə tə nyi ndownə fu, tə n ngii gaamə ghə̂ ghey ghə â bəghəmnə tə Klisto boʼ ndzuŋ ə Kəzə̀.

Kəfwaʼ 2:9

Saa a loʼ a nuu bə n Patya, a loʼ ghə n Midya nsə n Elam. Saa a loʼ ghə a nuu bə nə n bad u Mesopotemya, a loʼ ghə n Judeya, a loʼ ghə n Kapadoshya, a loʼ ghə Pontus nsə n Eshya.

Roma 11:16

Abə wù bòʼ shi bənə boʼo fə baa fə sə isə fə, fuu ndow tə Zə̀ kə, tə n sey fuu may baa kə tii kə tə Zə̀ kə. Wù wey tə zəghə tsunə kaʼ fə, dza tsu nə̀ à khə Kəzə̀, i sey dii nə̀ à khə Kəzə̀ ghaŋ tə tii tə nsə kpìi tə tii tə.

Roma 15:26

N dza sey n təŋkey, dzûmə tə Klisto tey n Masedonya nsə Akaya, ghə n tsow fə wə n fə̀ŋ tə ghə tə dzuŋu tə ni fuu tə a loʼ kənaamə tə ghə̂ a Kəzə̀ ghey ghə laanə n naʼ i Yerosalem

Roma 16:12

Tɔŋɔ zow ndow Trifina nsə Trifosa, ghə fwaʼanə fwaʼ kə Mûkəbii kə. Ghaa tɔŋɔ zow ndow soʼo wù wuŋ u dzuŋu wə, Pesis, tə loʼ weyzən nə̀ tə n ghəŋə ndəmə aghəə tə Mûkəbii.

Roma 16:4

Ghə kpu kìi bòʼ mə. A way tən kə mə n fuunə zɔŋŋə kə tə ghə, dzûmə tə Klisto tən tə loʼnə n naʼ i ghə̂ ghən ghə way ghə̂ a Təjuu ghə, ghə fuu soʼo zɔŋŋə kə ghə.

Roma 16:6

Ghaa tɔŋɔ zow ndow Maria, tə ngii fuu nyi ndownə wû u wi wə ni fwaʼ tə ghaa.

Roma 16:8

Tɔŋɔ zow ndow n na Ampliatus. Ghey ngii ləghə wû i ghey bòʼ Mûkəbii.

1 Kɔrint 16:15

Waazə ghə, ghaa khənu nə̀ Stefanas ghi ghə̂ ghey n ndaw wi â loʼ ghə̂ a sə isə ghə ni fəd doʼo bə dzûmə tə Klisto n mboʼo Akaya. Ghə a fuu may ndownə wû i ghə zə ni fwaʼa tə̀ ghə̂ a Kəzə̀ ghə.

1 Kɔrint 16:19

Dzəŋi u dzûmə tə Klisto tey n mboʼo Eshya tɔŋŋə zow bə ghaa. Akwila nsə Prisila tɔŋŋə zow bə ghaa n fə̀ŋ tə ghə tə tədzəm n zəd i Mûkəbii. Dzûmə tə Klisto tey tə nyiənə n ndaw ghə tɔŋŋə zow bə soʼo ghaa.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

Kolose 4:15

Fuu nduŋŋə ndow na tɔŋɔ zow i ghey zə tə waazə a saa ghey ghə loʼnə n naʼ i Lodishya, tə Nimfa nsə tə ghə̂ a Kəzə̀ ghey ghə nyiənə n ndaw wi.

Filemun 1:2

Ghey tɔ̀ɔ bə soʼo màʼlə kən tə Afia waazə ə ghey, Achipus wən tə fwaʼa dzəŋi ghi ghey nsə tə ghə̂ a ndaw Kəzə̀ ghən ghə nyiənə n ndaw zə a Filemun.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

3 Jɔn 1:1

À maʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə wù fə wuŋ u dzuŋu wən, tɔŋŋə Gayɔs, n ndzəmə ləghənə wi.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.