Roma 16:3 - Kaa n Kəzə̀ n fəghə mə

³ Tɔŋɔ zow ndow n na Prisila nsə Akwila. Ghə fwaʼa dzəŋi fwaʼ kə Yeso Klisto kən ghi mə.

Roma 16:3 ပူးပေါင်းရင်းမြစ်များ

Kəfwaʼ 18:26

Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Roma 16:10

Tɔŋɔ zowtsu na Apeles wən tə dii shi bənə nə̀ tə n ndzəm bəghəm tə̀ Klisto. Ghaa tɔŋɔ zow ndow ghə̂ ghey n ndaw Aristobulus.

Roma 16:4

Ghə kpu kìi bòʼ mə. A way tən kə mə n fuunə zɔŋŋə kə tə ghə, dzûmə tə Klisto tən tə loʼnə n naʼ i ghə̂ ghən ghə way ghə̂ a Təjuu ghə, ghə fuu soʼo zɔŋŋə kə ghə.

Roma 16:7

N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

Roma 16:9

Tɔŋɔ zow soʼo Obanus wən tə fwaʼa dzəŋinə fwaʼ kə Klisto ghi saa nsə wù fə wuŋ u dzuŋu wə Stachis.

Roma 8:1

Nghee tə̀ Zə̀ kə bəghəshinə saa n bam i Yeso, ghə̂ ghən ghə loʼnə nə kəfə kəmɔʼ ghi Yeso Klisto, ghə kəm way ghə̂ a bəbə ghə n sə K-a-zə̀.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 16:16

N buʼu bə kəwɔɔ nə̀ ghaa i zow ndow tə̀ ndzoʼo ghə̂ ghən nsə ghə̂ ghən adzəm ghə fwaʼanə, fəʼlə dzəŋi soʼo ghi ghə.

1 Kɔrint 16:19

Dzəŋi u dzûmə tə Klisto tey n mboʼo Eshya tɔŋŋə zow bə ghaa. Akwila nsə Prisila tɔŋŋə zow bə ghaa n fə̀ŋ tə ghə tə tədzəm n zəd i Mûkəbii. Dzûmə tə Klisto tey tə nyiənə n ndaw ghə tɔŋŋə zow bə soʼo ghaa.

2 Kɔrint 12:2

N khənu wù loʼ tə â bəghəmnə tə̀ Klisto, a nya loʼ tənum ighəm n num tə təkaykə, ghə n ney nuu kɔʼ ndòw wi idəŋ. N kee way ni dza nə̀ â loʼ n wû u wi nkee â loʼ n zay kə wi. À khə kə Kəzə̀.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

Galeshia 1:22

 loʼ n nəŋə i tii zə nə̀ ghə̂ a dzəŋi u dzûmə tə Klisto wey n mboʼo Judeya, ghə bəghəmnə tə Klisto, kam khə way mə.

Filipi 2:25

N kee moʼlə nə̀ i dzɔbənu nə̀ n tûm bə dzə Epafroditus n səə ghaa, tə loʼ waazə wuŋ n dzəŋi kə dzûmə tə Klisto, tə loʼ wù wey tə fwaʼa dzəŋinə ghi mə, kəm loʼ dzəŋi soʼo sawgoʼ ghi mə ni naʼa tûm i dzuŋu zə. À loʼ wi ghaa â tûm bənə n səə mə̀ nə̀ tə bə fu mə n gaamə zə.

Kolose 4:11

Joshua wən ghə tɔŋɔ soʼo nə a loʼ Justus tɔŋɔ zow bə soʼo ghaa. À may kə ghə̂ ghən atəghə ghə loʼnə ghə̂ a Təjuu ghə, ghə bəghəmnə tə Klisto, ghə fwaʼa dzəŋinə fa ghi mə n ghəə a fɔɔ u Kəzə̀. Ghə n ngii fuu mə n gaamə zə.

2 Timoti 4:19

Tɔŋɔ zow tsu Prisila ghi Akwila, nsə ghə̂ ghey adzəm ghə loʼnə n ndaw Onesiforus.