Roma 15:8 - Kaa n Kəzə̀ n fəghə mə

⁸ N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Roma 15:8 ပူးပေါင်းရင်းမြစ်များ

Matyo 15:24

Yeso n dza ndòw tə weyzən wey nə̀, “Ghə tûm bə mə n səə ghə̂ ghə Izree ghey ghə loʼnə tə a loʼ njì tey tə nay doʼonə.”

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Tùm i dzuŋu zə kuum Yeso Klisto tə Jɔn â tɔɔnə 1:11

Tə n bə n səə ghə̂ a wi, ghə̂ a wi ghə n ka kpii ney dzə wi.

Tùm i dzuŋu zə kuum Yeso Klisto tə Jɔn â tɔɔnə 10:16

N khənu njì tə loʼ tə nə̀ tə way dzə n kaʼ kən. N khə ni ney təmdzəŋi bə ghə, ghə i dzəŋi zow tə̀ mə. Sey nə̀ ghə i dzəŋi loʼ nə kəkaʼ kəmɔʼ, ghə i khə soʼo wù baʼa u tənjì wə umɔʼ.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Roma 11:22

Ghaa n koʼ nghee tə Zə̀ kə khənə fə̀ŋ i dzuŋu zə a tii, nsə ghee tə nyeynə tii. Tə chɔdlɔ ghə̂ ghey ghə ghəŋə bəəbənə, kee dii ghaa n ndzuŋ ə wi abə ghaa ghəŋŋə dzənə ghəə ghey tə ləghənə nə̀ ghaa i ghəŋŋə, nə̀ à way sey, tə i khəm maʼa shi bə soʼo ghaa tə̀ a loʼ kpìi kə fəkaʼ.

Roma 11:30

Nghee tə ghaa ghən ghaa way ghə̂ a Təjuu ghə â taw tsə n tow kə tə Zə̀ kə, Zə̀ kə n nya kee kwɔɔlənə sî zə n kow ghaa ntəŋkey ghə̂ a Təjuu ghə a taw n tow kə tə wi.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 3:26

Zə̀ kə ma kə̂ bayyə naŋa nəŋə zey tə i tum bənə Yeso ti, sey tən kow kə fə̀ŋ. Zə̀ kə â ghəŋə sey ni dii bə ghə̂ ghə adzəm nə̀ tə loʼ tsətsəghə. Nghee tə loʼ tsətsəghə, a loʼ wi tə ghəŋŋə soʼo nə̀ ghə̂ ghey ghə bəghəmnə tə Yeso i loʼ tsətsəghə.

Roma 3:3

Ney kɔʼ na nə̀ ghə̂ a Təjuu a loʼ ghə a tɔʼɔ naŋŋə way ghɔɔmə i ghə zə, i sey diinu nə̀ Zə̀ kə i ghəŋə way ghəə zey tə â bəghəm naŋa nə̀ tə i ghəŋŋənu ə?

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

1 Kɔrint 1:12

Ghəə zey n baa dzanə loʼ nə̀, ghə̂ a loʼ ghə n fəŋŋə kə ghaa a dza nə̀, “N dzûmə Pɔl”, a loʼ ghə a dza nə̀, “N dzûmə Apolos.” À loʼ ghə a dza nə̀, “N dzûmə Pita.” Ghə̂ a loʼ a loʼ soʼonu ghə dzanə nə̀, “N dzûmə Klisto.”

1 Kɔrint 10:19

Ghəə ghən n dzanə dii dzə way nə̀ fəzəə wey ghə fuunə tə a loʼ umaʼlə tə̀ muʼu mə, khənu daʼa kə loʼ kə nkee ni dza nə̀ muʼu n khənu daʼa kə loʼ kə.

1 Kɔrint 10:29

N fa ghɔɔmə dzə way nə̀ a loʼ fə̀ŋ zə, zə i saʼanə wɔ, a loʼ fə̀ŋ ə wù loʼ wey. N fa ghɔɔmə dzə way bòʼ wɔ, n təŋkey, ghəə zey wù loʼ moʼlənə n fə̀ŋ ə wi khə dzə way ni kəd wɔ n ghəə zey wə ləghənə ni ghəŋə.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.