Roma 15:2 - Kaa n Kəzə̀ n fəghə mə

² Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

Roma 15:2 ပူးပေါင်းရင်းမြစ်များ

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

1 Kɔrint 10:23

Ghə̂ a loʼ a loʼnu n fəŋŋə kə ghaa ghə dzanə nə̀, “Laŋ kə loʼ kə way dzə kə tuunə nə̀ ghey ka ghəŋə ghəə zey ghey ləghənə ni ghəŋə.” N kee dza bə tə̀ ghaa nə̀ a way dzə aghəə adzəm a dzɔbənə tə̀ ghaa. À loʼ kənu isəŋə nə̀, “Laŋ kə loʼ kə way dzə kə tuunə nə̀ saa ka ghəŋə ghəə zey saa ləghənə ni ghəŋə.” À kee loʼ nə̀ à way dzə aghəə adzəm a gaamənə ghaa ni bəghə muu i ghaa.

1 Kɔrint 10:24

Kə̂ wə nə ghəŋŋənə ghəə ghə nə̀ wə laalə tsu kə i zey i dzɔbənə tə̀ wɔ, i laalə ndow soʼo a ghey a dzɔbə soʼonə tə̀ ghə̂ a loʼ ghə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 13:5

Ləghə i ghəŋŋə way nə̀ wù i tsayyə ghə̂ a loʼ ghə. I ghəŋŋə way nə̀ wù i dey tənə kə sə̂ fə wi fə. I ghəŋŋə way nə̀ wù i zaŋŋə fəələ n nəghə wə. I ghəŋŋə way nə̀ wù i kwɔɔ naŋŋə wù n fə̀ŋ ə wi.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.