Roma 14:8 - Kaa n Kəzə̀ n fəghə mə

⁸ Abə saa muunə, saa muu ni fuu kɔʼləmə tə Mûkəbii, nə̀ saa kpuunu, saa kpuu ni fuu wi n kɔʼləmə. Sey, abə saa loʼnə utaw nkee saa kpuu kənu, muu i saa i loʼ kə ni fuu nkɔʼlə tə Mûkəbii.

Roma 14:8 ပူးပေါင်းရင်းမြစ်များ

Lukas 20:38

Tə loʼ Zə̀ kə ghə̂ ghey ghə loʼ utaw, a way dzə Zə̀ kə ghə̂ a kpu ghə, boʼnə aghə̂, adzəm tə wi loʼ utaw.

Tùm i dzuŋu zə kuum Yeso Klisto tə Jɔn â tɔɔnə 21:19

Yeso ghəə ghən â khəə ni dii tsu ndzoʼo və zey Pita i kpuu ghii zə, i zey i nə fuu kɔʼlə mə tə̀ Zə̀ kə. Yeso n daŋŋə dza tə̀ wi nə̀, “Dzûmə bə mə.”

Kəfwaʼ 13:36

Ghɔɔmə zən way dzə bòʼ fɔ̀ɔ Devid, n təŋkey, fɔ̀ɔ Devid mâ fwaʼ fwàʼ key Zə̀ kə a ləghə nə̀ tə fwaʼ n num tə wi. Ambə tə bə kpu tsunə, ghə tsəllə ndow wi ghi ghə bày a wi ghə, vən i wi i mâ fway nə isay.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 2:30

Tə â kay n fə̀ŋ n muu i wi, nɔb tə i kpu daŋŋə bòʼ fwaʼ kə Klisto kən tə fwaʼanə ni fu gaamə zey ghaa a way ni fuu n mgbaŋ.

1 Tesalonika 5:10

Yeso â kpu n tow u saa sey nə̀ abə saa loʼ kə utaw nkee saa kpunə, saa i loʼ dzəŋi ghi wi abə tə̀ i bənə.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”