Roma 14:3 - Kaa n Kəzə̀ n fəghə mə

³ Sey, wù wey tə zə̂ənə fə wə udzəm khə way ni koʼo kii wù wey tə zə̂ə way fə u tii wə udzəm tə a loʼ wi. Wù wey tə kee say fəə kənə tow u fə wə, khə soʼo way ni saʼ wù wey tə zə̂ənə fə wə udzəm n təŋkey, Zə̀ kə n ghə bəghəm.

Roma 14:3 ပူးပေါင်းရင်းမြစ်များ

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 9:14

Dzûmə tə Jɔn wù fuu u mmuu n Kəzə̀ mə n bə kòʼ tsu Yeso, bəb tə̀ wi nə̀, “A loʼ kee ghey ghi ghə̂ a tə Falasi a bamnə dzuu ghə, dzûmə tə tey tə a kee bam way ə?

Lukas 18:9

Yeso n kəm dza ndow zəzəə fə fənkəfən fən tə ghə̂ a loʼ ghə, ghə â tɔʼ khənə nə̀ ghə ngii loʼ tsətsəghə kee koʼo kii ghə̂ a loʼ ghə nə̀,

Kəfwaʼ 10:34

Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,

Kəfwaʼ 10:44

Nghee Pita nam ghɔɔmənə, Zay kə Zow kə n tsu bə n kow ghə̂ ghey adzəm ghə zəllənə tûm wi.

Kəfwaʼ 28:2

Ghə̂ ghə inaʼ a tii ghə n ngii dii ghey n ləghə zə, kpiney kɔʼ soʼo ghey. Ambə ghow i kaʼ tsunə ni tsu, ghə̂ inaʼ ghey n faalə kɔʼ uvələ nə ghey zɔy n təŋkey fəb wə â ngii loʼnu.

Roma 11:15

I loʼ sey n təŋkey, abə i loʼ nə̀, nghee Zə̀ kə â tuu maʼanə ghə̂ a Təjuu ghə bòʼ bəb i ghə, zə â ghəŋə nə̀ ghə̂ a mbi a doʼo bə nə kəfə kəmɔʼ ghi Zə̀ kə, zə i boʼo doʼlə ngee abə Zə̀ kə kəm ney nyi bənə Juu tə ibam ə? Zə i bɔɔmə doʼlə kə tə̀ wù kpuunə zhəm dzəŋŋə bənə nə ivə, doʼo bə utaw.

Roma 14:1

Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.

Roma 14:10

Ghaa ghən ghaa say zə̂ənə fə wə, à loʼ kee ghaa saʼanə dzûmə tə Klisto tə loʼ tən ə? A kee bə ghaa ghən ghaa zə̂ənə fə wə udzəm, a loʼ kee ghaa koʼo kiinə dzûmə tə Klisto tə loʼ tən ə? I loʼ nə̀ saa adzəm, saa i doʼlə n tay i saʼ, Zə̀ kə i saʼ saa.

Roma 14:13

I loʼ sey n təŋkey saa khə ni tsəm tsu n fə̀ŋ tə saa nə̀ saa i ghəŋə dzə way ghə i loʼ zə i loʼ ni ghəŋə nə̀ dzûmə Klisto u loʼ u bwu n ghəə a bəbə ghə.

Roma 14:15

Abə à loʼ nə̀ fə key wə zə̂ənə ghəŋŋə nə̀ dzûmə Klisto u loʼ wə i khə fəmmə kə n fə̀ŋ ə wi, à sey loʼ nə̀ wə dii dzə way ləghə zə tə wi nghee wə nam zə̂ə ndow kə fə kə tii kə. Kə wə nə ghəŋŋə nə̀ fə key wə zə̂ənə, kə bəəbə maʼa wù nə̀ Klisto mâ kpuu n tow kə wi.

Roma 14:21

Sey, i dzɔb tsəghəshi ni doʼo nə̀ wə fəə way nyam, məə way nlə mə, ghəŋŋə way ghəə ghey à loʼ ni ghəŋə nə̀ dzûmə Klisto u loʼ u bwu səə n bəghəm i fə̀ŋ i wi.

Roma 15:7

I sey dii nə̀ ghaa khə ni bəghəm naŋa a waazu ighələ tə Klisto bəghəm naŋanə ghaa, ni ghəŋə nə̀ ghə̂ ghə i fuu kɔʼləmə tə̀ Zə̀ kə.