Roma 14:2 - Kaa n Kəzə̀ n fəghə mə

² N dza sey n təŋkey wù wey tə loʼ nə̀ bəghəm i fə̀ŋ i wi zə n tɔʼ beyyə, bəghəm i fə̀ŋ i wi i dii tsu nə̀ tə loʼnu ni zə̂ ufə udzəm, tə wey tə kee loʼ nə̀ bəghəm i fə̀ŋ i wi i ka kam tɔʼ beyyə, kee sày fəə kə tow u fə.

Roma 14:2 ပူးပေါင်းရင်းမြစ်များ

Roma 14:1

Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.

Roma 14:14

Nghee n loʼnə nə kəfə kəmɔʼ ghi Mûkəbii Yeso, n ndzəm khənu nə̀ fəzəə u loʼ u way, u loʼ ni ghəŋə nə̀ wù i bəbə n sə K-a-zə̀. Abə wù loʼ kee moʼlənə nə̀ fəzəə u loʼ u loʼnu u ghəŋŋənə nə̀ wù i bəbə n sə K-a-zə̀, kə tə nə zə̂ənə fəzəə u tii wə n təŋkey abə tə zə̂nə fəzəə u tii wə, tə n sey ghəŋə bəəbə n fə̀ŋ ə wi.

Roma 14:20

Kə fə key wə zə̂ənə nə bəəbə maʼanə fwaʼ K-a-zə̀ n fəŋŋə kə dzûmə tə Klisto. À loʼ kənu isəŋə nə̀ nfəzəə n dzəm n dzɔbənu tə Zə̀ kə, à kee loʼ nə̀ i dzɔbə way tə wù ni zə̂ fə key kə i ghəŋŋə nə̀ dzûmə ə Klisto u loʼ u bwu səə n bəghəm i fə̀ŋ i wi.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

1 Kɔrint 10:25

Sey, ghaa loʼnu ni fə̂ nyam abə a loʼ dzə nə̀ i nuu bə n tay i nyam nə̀ ghaa bəbə way ghəə ghə sey nə̀ kə fə̀ŋ tə nə saʼanə ghaa.

1 Kɔrint 8:9

Kee ney na ghə̂mə zə nə̀ kə ghəə zey ghaa moʼlə nə̀ i kpiilənu tə̀ ghaa ni ghəŋə, nə ghəŋŋə nə̀ waazu wey tə loʼ nə̀ tə ka kam tɔʼ beyyə n bəghəm i fə̀ŋ i wi nə ghəŋŋənə ghəə a bəbə ghə.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

Galeshia 2:12

I loʼ nə̀, Pita â zəə dzəŋi tsənu ghi ghə̂ ghən ghə way ghə̂ a Təjuu ghə. Ambə ghə̂ a Təjuu a loʼ a ndow bənə nə a ghə tûm bə Jems, Pita n doʼo ndow, kəm zəə dzəŋi way ghi ghə̂ ghən ghə way ghə̂ a Təjuu ghə. Tə â ghəŋə sey, n təŋkey tə â tsəŋə nə̀ kə ghə̂ a Təjuu ghən ghə â tey tənnə nə̀ ghə teeli khə ni səghə tyi kə wù, kə ghə nə sənnə nə nə̀ tə zəə dzəŋi ghi ghə̂ ghən ghə ka səghə tyi u ghə.

1 Timoti 4:4

I loʼ sey n təŋkey, fə wən udzəm Zə̀ kə bɔmnə, u dzɔbənu, kə loʼ kə way dzə tii ni tuu maʼa, abə saa ney ndow dzə nə̀ saa n fuu kɔʼ zɔŋŋə kə tə Zə̀ kə.

Taytus 1:15

Fə udzəm u zownu tə̀ ghə̂ ghən ghə zownə. A kee bə ghə̂ ghey ghə fwɔdlɔnə luʼu tə, bəghəm soʼo way tə̀ Zə̀ kə, aghəə adzəm tə̀ ghə loʼ ghəə a dzəə ghə n təŋkey, moʼlə tə ghə nsə fə̀ŋ tə ghə tə fwɔd doʼo soʼonu.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.