Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 13:7 - Kaa n Kəzə̀ n fəghə mə

7 Sey, tsə nuu ndow ghə̂ ghey wə khə ghə n ndaŋ kə, nə à loʼ kə màʼlə kə tsow kə, tsow nuu ndow, nə̀ à loʼ kəmàʼlə wə khə ni tsow n bikiwən kən wə ghəŋŋənə, wə n tsow nuu i ndow. Wə khə ni buʼu wɔɔ ghə, fuu ndow ingɔɔmə tə ghə̂ ghey ghə loʼnə tow wə.

အခန်းကိုကြည့်ပါ။ ကော်ပီ




Roma 13:7
23 ပူးပေါင်းရင်းမြစ်များ  

Pita n beeli ndòw ghə nə̀, “Tə tsow tsənu.” Ambə Pita nyi ndòwnə n ndaw, Yeso n ghɔɔmə ndòw tə wi isə dza nə̀, “Wə̀ moʼlə nə̀ ngee a Shimun? Də̀ŋ wən fa mbi kwɔɔ màʼlə kə tsow kə n wɔ ghə ndee? À loʼ n wɔ ghə̂ ghə inaʼ a ghə ghə mɔ n wɔ ghə̂ a nuu ghə ə?”


Ghə n dza, “À loʼ tum usə u Siza nsə zəd i Siza zə.” Sey tə n dza ndòw tə̀ ghə nə̀, “Fuu ndòw na fə̂ key kə loʼnə kə Siza kə tə̀ Siza, ghaa fuu ndòw soʼo fə̂ key kə loʼnə K-a-zə̀ kə tə̀ Zə̀ kə.”


Sey Yeso n dza tə̀ ghə nə̀, “Fuu na tə̀ Kaysa fə wey u loʼnə u wi wə, ghaa fuu ndòw tə̀ Zə̀ kə fə wey u loʼnə u wi wə.” Dzuu zə n ngii zum ghə n jìi zey tə a beelinə ghə tii.


Laŋ kə saa kə bəghəmnu nə saa i tsow màʼlə kə tə Kaysa mɔ kə ka bəghəm ə?”


Yeso n dza ndow tə ghə nə̀, “Abə i loʼ nə sey, fu na fə kə Kaysa kə tə Kaysa, ghaa fu fə K-a-zə̀ tə Zə̀ kə.”


Ghə n kaʼ ni bàŋ dzuu i wi dza, “A kwu wù wən tə tsə̀ə bəəbənə ghə̂ a naʼ i Təjuu ghə nə kə ghə nə̀ tsownə màʼlə kə tə̀ Kaysa, tə tɔŋŋə soʼo wû u wi nə̀ i loʼ wù wən Zə̀ kə â dza naŋa nə̀ i tûm bənu, dii tsu nə tə loʼ Kədə̀ŋ.”


Ghaa khə ni ləghə tiilə wû i ghaa zə tə a loʼ dzûmə tə Klisto. Ghaa keeli zay ni ngɔɔmə waazu ghə tsəghəshiə tə ghaa ngɔɔmənə wû i ghaa zə.


À wey loʼ soʼo ghə i tii zə ghaa khə ni tsow màʼlə kə n təŋkey ghə̂ ghey ghə loʼnə tow wə inaʼ, loʼ ghə̂ a kəfwaʼ a Kəzə̀, nəŋə i ghə idzəm i loʼ kə ni laalə tə̀ ghə̂ ghə.


I kee loʼ nə̀, wù khə ni ləghə wey wi tə̀ tə ləghənə wû u wi, wey khə ni zow tə num wi.


Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.


I loʼ soʼo nə̀ ghey a kpusə a fəghaŋ ghən i zoʼlə naŋa kɔʼ mwam u lay wə, ni maŋa bwey kaabə tsə n ndaw tə ghə̂. Ghə n maŋa khə̀ə kaabə tsə təfəghəm, khə̀ə ghəə ghey ghə mə khə way ni khə̀ə, nyiə nə aghəə nə̀ a khə way ghə i loʼ zə ni ghəŋə ghi wi, khə̀ə kaabə tsə soʼo aghəə nə̀ a way isəŋə.


Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.


Dzûmə tə Klisto tey tədzəm tə loʼnə kɔd wə, khə ni keeli tsu nə̀ ghə khə ni fuu ndow ngɔɔmə zey kɔd udzəm u fuunə tə ghə mûkəbii a ghə ghə, sey nə̀, wù loʼ i way ni tsayyə zəd i Kəzə̀ nsə ghəə ghən saa diinə.


N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ