Roma 12:9 - Kaa n Kəzə̀ n fəghə mə

⁹ Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

Roma 12:9 ပူးပေါင်းရင်းမြစ်များ

Matyo 26:49

Judas n kəŋə ndòw n səə Yeso, dza tə̀ wi nə̀, “N tɔŋŋə zow bə wɔ, a wù dii wə.” Tə n maŋŋə keeli nyi ndòw wi.

Tùm i dzuŋu zə kuum Yeso Klisto tə Jɔn â tɔɔnə 12:6

Tə â ka ghəə ghən dza dzə bòʼ nə̀ tə ngii ləghə ghə̂ a laa ghə, tə â sey dza bòʼ nə̀ tə â loʼ wù tsɔŋɔ. Â kwɔɔ keeli tsə wi mbəghə kə ukhəə kə, tə n tsəmə nyaʼi ney shiə tsə soʼo ukhəə tii ni zow ghəə a wi.

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

2 Kɔrint 8:8

N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

Hibru 1:9

Wə ləghə kə ghəə ghey ghə̂ a ghəŋŋə nə̀ a kpiinu, bàa ghəə a bəbə ghey ghə̂ a ghəŋŋənə. À wey loʼ ghə i tii zə, Zə̀ kən kə loʼnə Zə̀ kə kə̀ sày naŋa kɔʼnə wɔ Ghəŋə nə̀ wə tsəghəshi ghə̂ ghey ghə dzəŋi loʼnə ghi wi adzəm, nghee tə tsoʼlənə wɔ n mbvə mey n ghəŋŋənə nə̀ wə i ngii khə duʼlə zə.”

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.