Roma 12:8 - Kaa n Kəzə̀ n fəghə mə

⁸ Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

Roma 12:8 ပူးပေါင်းရင်းမြစ်များ

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 13:12

Ambə gɔvənɔ wən koʼ tsu ghəə ghən a shinə, tə n daŋŋə doʼo bə dzûmə ə Klisto. Dzuu zə zum wi n ghəə ghən tə â diinə bòʼ Mûkəbii.

Kəfwaʼ 13:15

Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Roma 13:6

À wey loʼ soʼo ghə i tii zə ghaa khə ni tsow màʼlə kə n təŋkey ghə̂ ghey ghə loʼnə tow wə inaʼ, loʼ ghə̂ a kəfwaʼ a Kəzə̀, nəŋə i ghə idzəm i loʼ kə ni laalə tə̀ ghə̂ ghə.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 8:12

I loʼ nə̀ abə wə khənə zày ni fuu Zə̀ kə neynu fə̂ key wə fuunə tə̀ wɔɔ kə kə̀ kɔʼ kùmnə, à way dzə n fə̂ key wə khə way.

2 Kɔrint 9:11

Tə n ghəŋə ghaa nə̀ ghaa i ngii kûm nə̀ təjìi tədzəm, ghaa loʼ ni fuu ndòw tə̀ ghə̂ ghə nəŋə tədzəm, sey nə̀ ndəmə aghə̂ ghə i fuu zɔŋŋə kə tə̀ Zə̀ kə bòʼ gaamə zən ghaa fuunə tə̀ ghey nə̀ ghey fuu tə̀ ghə.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

2 Kɔrint 9:7

Kay wù khə kə ni fuu tə̀ fə̀ŋ ə wi diinə, a way dzə tə̀ tə səmənu nkee tə̀ ghə wi təmmənu n təŋkey, Zə̀ kə ləghə wù wey tə fuunə n fə̀ŋ ə wi i dzuŋu zə.

Efesus 6:5

Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.

Kolose 3:22

Ghaa ghə̂ a kəfwaʼ ghə, i zow na tə ghə mûkəbii a ghaa ghə fa n mbi nə aghəə adzəm. I fwaʼa na n jìi zey ghə ləghənə nəŋə tədzəm, a way kə n nəŋə zey ghə tɔʼɔ laalə bənə ghaa. Ghaa khə ni fwaʼa tə ghə n fə̀ŋ tə ghaa tə tədzəm bòʼ ngɔɔmə zən ghaa khənə n kow Mûkəbii Yeso.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

1 Tesalonika 2:8

Ghey n ngii ləghə ghaa, à wey loʼ ghə i tii zə ghey â ka kad naʼa kə tûm i dzuŋu zən Zə̀ kə â fuu bənə tə̀ ghaa, ghey n fuu may ndow soʼo wû i ghey ni gaamə ghaa. Ghey ndzəm ngii khə ghaa n fəŋ tə ghey.

1 Timoti 4:13

Ni ney nuu tsu nya, ndow kuum n nəŋə zey mə i bəghənə tii, wə khə ni tɔŋɔ màʼlə K-a-zə̀ kə tə ghə̂ ghə, naʼlə ndow ghɔɔmə i Kəzə̀ tə ghə, dii soʼo aghə̂ nghee ghə khə ni muu tii.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.