Roma 12:5 - Kaa n Kəzə̀ n fəghə mə

⁵ À loʼ ighələ ghi saa ghən saa bəghəmnə tə Klisto, nghee tə saa loʼ kənə n ndəm, saa dzəŋi loʼ tə a loʼ uwû umɔʼ, saa u dzəŋi gaamə tiilənə wû i saa zə.

Roma 12:5 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Roma 12:4

N dza sey n təŋkey wû u wù u khə uzuŋ n ndəm, zuŋ u wû u tii wə u khənə fwaʼa tə ghə tə n nəŋ n nəŋ.

1 Kɔrint 10:17

Nghee baa kə loʼnə kəmɔʼ, saa u loʼnə n ndəm ni dzəŋi zə̂ baa kə tii, i sey diinə saa loʼ vən fə uwû fəmɔʼ, n təŋkey saa dzəŋi zə̂ə kə kəbaa kəmɔʼ.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 12:20

Isəŋə loʼ nə̀ vən fə uwû fə loʼ kə fəmɔʼ, fə u kee khənə ndəmə uzuŋ.

1 Kɔrint 6:15

Ghaa khə way nə̀ wû i ghaa i loʼ zuŋ u wû u Klisto ə? N loʼnu ni ney kɔʼ zuŋ kə uwû kə Klisto, n təmdzəŋi ndow ghi wû u wù wey tə loʼnə kpala kə ə? I way ni doʼo koʼ sey!

Efesus 1:23

Ndaw Kəzə̀ loʼ wû u Klisto, i ghəŋŋə nə̀ tə i loʼ may n wû u wi ighələ tə̀ tə kwɔɔ keelinə fə wə udzəm fa n mbi nə zə i loʼ may idzəm.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 4:25

A wey loʼ ghə i tii zə, ghaa khənə ni tuu maʼa ghəə a badla ghə. Ghaa i ghɔɔmə isəŋə n wû i ghaa, boʼnə saa dzəŋi loʼ nə kəfə kəmɔʼ n doʼo i saa ghi Klisto.

Efesus 5:23

Kuum nə̀ weynum wən tə khənə wey loʼ kətow tə̀ wey wi ighələ tə̀ Klisto loʼnə tow kə n dzəŋi kə dzûmə tə Klisto. Dzûmə tə Klisto tədzəm tə loʼ tə̀ a loʼ wû u Klisto. Klisto loʼ wù wey tə bəghəshiənə ghə̂ a Kəzə̀ ghə adzəm.

Efesus 5:30

Saa u loʼnə tə̀ a loʼ ubad u zuŋŋə doʼonə n wû u wi.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.